منتدى بلدة اذنا

منتدى بلدة اذنا

منتدى بلدة اذنا
 
الرئيسيةاليوميةالبوابةس .و .جبحـثالتسجيلدخول

شاطر | 
 

 حكم وامثال غبية كقائلها 2

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سجل انا عربي



عدد الرسائل : 96
تاريخ الميلاد : 03/10/1984
العمر : 32
البلد / الدولة : كل فلسطين وطني
تاريخ التسجيل : 13/07/2010

مُساهمةموضوع: حكم وامثال غبية كقائلها 2   19/8/2010, 12:22 am

عدنا والعود احمد كما يقال وللامانة البحث عن الامثال والحكم المسماة زورا هكذا ليس بالصعب والسهل في وقت واحد بمعنى انك عندما تقرأ كتاب حكم وامثال مختص لا تجد فيه الكثير لتعارضه ولكن عندما نجلس في سهرة تجد ان الامثال المتخلفة بتبلش تنزل لحالها لدرجه انك بتحس انو هالنوع من التعبير اللغوي خلق فقط للتعبير عن واقع المجتمع المعاش ، يعني انو لما تكون الحالة الثقافية مزدهره وقبول الاراء موجود والمطالعة العلمية والادبية مزدهره بتلاقي انو الامثال المستخدمة تستحق صفة حكم وذلك لسبب بسيط ان الجو العام عامر بالثقافة ولكن لان وللاسف الأن الثقافة السائدة هي ثقافة الاستزلام والارتزاق والتوهين ومحاولة ارجاعنا قروننا للوراء تجد ان الامثال والحكم هي من جنس الثقافة السائدة ومنها على سبيل المثال لا الحصر ما يلي :

1* ان انجنو ربعك عقلك ما بينفعك .
كيف يعني ان انجنو ربعك عقلك ما بينفك منذ متى الجنون صفة محموده ومطلوب مسايرتها ، ومنذ متى العقل ما بينفع صاحبو اصلا العقل ما بيصلح الا في لحظات الجنون الجماعي والتخلف الشائع للخروج بالمجتمع من تخلفه ، يعنى بدل ما انو العقل يجر الجنون نحو الافضل هذا المثل المبجل بيدعونا لانو نوخذ البقية الباقية من الاتزان نحو التخلف السائد يا سلام فعلا حكم .

2* اذا الك عند الكلب حاجة قولو يا سيدي .
كيف والله زبطت معهم هالحكمة ما بعرف يعني قد ما قلبتها ما الها غير معنى واحد هو الذل والمهانة والتزلف وكل كلمات التحقير . انا برأي انو هاد الحكمة السائدة هالايام بمعنى ازا الك حاجة عند اسرائيل قولها يا ستنا او ازا الك حاجة عند امريكا قول للمس كلنتون يا تاج راسنا او ازا الك عند عباس حاجه قولو يا رئيسنا او ازا حكمت حماس بالضفة بنقول لهنية يا مولانا ، مهو بالاصل انتا مو مقتنع انو يستحق هالصفة ما هو المفكر معرفه بالبداية انو كلب ..... اف حكم طالعة من نفوس تقبل الذل .

3* كل على زوقك والبس على زوق الناس .
ليش يعني شو دخل الناس بأكلي ولبسي لحتى نخصص هالمثل العظيم لحتى يكون حكمة الموسم والاقتداء به يجعلك شخصية اعتبارية . لا يا سيدي ما بدي اكل ولا البس على زوق حد وخلي الناس ينبح صوتها وهي تحكي والي حاسب حالو انو وظيفتو ينتقد لبس الناس يقولو في حد في اذنا اسمو سجل انا عربي روح سمعو انتقاداتك لحتى عرفو حجمو منيح .

4* على قد الحافك مد رجليك .
بحياة الله الي قال هالجملة مفكر فيها قبل ما يطرقنا اياها . طيب لنوخدها وحده وحده ازا هالرجال رجليه اطول من لحافو شو يعمل يقصهم ولا شو يعمل وازا الحافو مو واصل لصدره بلا من الرجلين بالاساس شو هالهبل المركب . ازا ولا بد يعني لازم يفقعونا مثل عن اللحاف والرجلين يقولو على قد رجليك فصل لحافك او اصبر واشتغل على انو لحافك يغطي رجليك .

5* أطبخ عدس وانفخ تحتو ما أظرط من الخال الا ابن اختو .
ههههههههههههههههه شو هاد والله مو عارف قول شي لانو لازم الواحد يراعي كلماتو لما يحكي بس هالمثل طالع مع واحد من سهرة تحشيش رسمي ومستحيل يكون غير انو هبل فهبل ولا شو دخل العدس والنفخ تحتو بالاستنتاج القائل ما أظرط من الخال الا ابن اختو وكيف عرفو انو ما أظرط من الخال الا ابن اختو والله عجيبة بس القافيه زابطه معهم يعني عدس وانفخ تحتو وابن اختو والله تعبو لما وصلونا هالفكره بس الله لا يعطيهم عافيه وهم بقبورهم اكيد ماتو وشبعو ضرب بقبورهم هالناس الي قالوه .
الرجوع الى أعلى الصفحة اذهب الى الأسفل
دمعة فلسطين



عدد الرسائل : 21
تاريخ الميلاد : 24/11/1994
العمر : 22
البلد / الدولة : فلسطين
تاريخ التسجيل : 26/11/2009

مُساهمةموضوع: رد: حكم وامثال غبية كقائلها 2   16/9/2010, 7:01 pm

راااائع هل الموضوع جدا
شكراااااااا كتيرررررررر
يعطيك ربي الف عافيه
تحيااااااااااااااااااتي
الرجوع الى أعلى الصفحة اذهب الى الأسفل
زينات اطميزه



عدد الرسائل : 33
تاريخ الميلاد : 20/05/1979
العمر : 37
البلد / الدولة : فلسطين
تاريخ التسجيل : 23/06/2011

مُساهمةموضوع: رد: حكم وامثال غبية كقائلها 2   9/7/2011, 5:28 pm

والله يا اخ عربي كلامك صح
الله يعطيك العافية على هيك تحليل
مشكور
الرجوع الى أعلى الصفحة اذهب الى الأسفل
زينات اطميزه



عدد الرسائل : 33
تاريخ الميلاد : 20/05/1979
العمر : 37
البلد / الدولة : فلسطين
تاريخ التسجيل : 23/06/2011

مُساهمةموضوع: رد: حكم وامثال غبية كقائلها 2   10/7/2011, 8:05 pm

عربي . .
مهما حاولت انك اتغير من العادات ما رح تقدر
الا في حالة اتغيرت البشرية كلاها
كل التحية الك . مشكور
الرجوع الى أعلى الصفحة اذهب الى الأسفل
vala



عدد الرسائل : 2780
تاريخ الميلاد : 15/05/1920
العمر : 96
البلد / الدولة : الدوحه-قطر
تاريخ التسجيل : 13/05/2009

مُساهمةموضوع: رد: حكم وامثال غبية كقائلها 2   13/7/2011, 8:52 pm

هذا تراث شعبي وفيه من الصحه الكثير ولكن ربما بعضة ركبت كلماته تركيب لتزبيط القافيه ليس اكثر
مشكور موضوع رائع ويستحق القراءة

_________________
[i]من شدة حبي لبلادي
لا افنى واموت
لكن اتجدد............
دوماً اتجدد!!!!
الرجوع الى أعلى الصفحة اذهب الى الأسفل
 
حكم وامثال غبية كقائلها 2
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بلدة اذنا :: الفئة الأولى :: مواضيع للنقاش-
انتقل الى: