منتدى بلدة اذنا

منتدى بلدة اذنا

منتدى بلدة اذنا
 
الرئيسيةاليوميةالبوابةس .و .جبحـثالتسجيلدخول

شاطر | 
 

  حرموها من الطفولة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ميسون سليمان



عدد الرسائل : 742
تاريخ الميلاد : 24/01/1965
العمر : 51
البلد / الدولة : فلسطين بلدة اذنا محافظة الخليل
تاريخ التسجيل : 07/08/2009

مُساهمةموضوع: حرموها من الطفولة    6/7/2010, 12:58 pm

[color=green]
[center][size=24]
المعروف عن الزواج هو عقد شرعي بين الرجل والمرأة فالرضى المتبادل والاختيار الحراكيد بكون من اهم أهدافه .. والشخص بتزوج للاستقرار النفسي والراحة القلبية ولتأسيس بيت واولاد .... بتعكس ظاهرة الزواج المبكر مشكلة من الدرجة الاولى خاصة في بلدتنا و أصبح يشكل ظاهرة مقلقة ويجب التصدي لها، مع العلم أن هذا النوع من الزواج يساعد على استمرار تراجع مكانة المرأة وانعدام الثقافة عند كتير من الفتيات في القرية ...
هذا عوضا عن تحملهم مسؤولية كبيرة تفوق قدراتهم سواء الجسدية أو النفسية في هذه السن المبكر .. هذا عوضا عن كونها أحست بأنها خسرت الكثير من أيام حياتها سواء الدراسية أو العائلية بزواجها المبكر هذا. لذلك نلاحظ بعد عام واحد من زواج الفتاة تنشب خلافات نظرا لانعدام فرص التفاهم وبشكل قطعي بينها وبين الزوج ولصغر سنها ,ولعدم تفهمها والمامها بمسؤليات الزواج ,فنلاحظ بأن سرعان مايتم الطلاق والانفصال السريع ..والمشكلة إن حالات الطلاق في الوقت الحالي قاعدة تتضاعف يوم عن يوم ..فخلاصة الكلام ان الزواج المبكر ظاهرة اجتماعية تنعكس سلبياتها على المجتمع القروي خاصة ,وعلى مجتمعنا المدني عامة ....








]g/gallery/7/8L.jpg[/img

_________________
وفي قلوبنا جهنم حمرا

إذا عطشنا نعصر الصخرا

ونأكل التراب إن جعنا .. ولا نرحل

وبالدم الزكي لا نبخل .. لا نبخل .. لا نبخل

هنا .. لنا ماض .. وحاضر .. ومستقبل
الرجوع الى أعلى الصفحة اذهب الى الأسفل
عنكبوت المرمى



عدد الرسائل : 235
تاريخ الميلاد : 15/08/1985
العمر : 31
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: حرموها من الطفولة    6/7/2010, 11:21 pm

ميسون يا ميسون
انا مش عارف ليش انتي مركزه بهالموضوع كثييير وصارلك فتره بتجيبي سيرة الزواج المبكر
يمكن انا معك انو الزواج في سن مبكر له آثار سلبيه ولكن اذا كانت المحكمه تصرح لسن 14 سنه بالزواج اذآ لا يوجد شيء اسمه زواج مبكر بالمعنى الذي تقصيدينه ميسون هذا اولآ
اما ثانيآ فهذه الظاهره تكاد بل انقطعت نهائيآ من بلدتنا اذنا ... مثال بسيط
صديق لي يبحث عن عروس له فتره زمنيه طويله وطرق اكثر من باب ولم يسمع سوى جواب واحد ( البنت مش راضيه بدها تكمل دراسه) مع العلم ان الشب ذو حسب ونسب وله بيته المستقل وعمل وميسور الحال يعني كامل الاوصاف
فما تقوليلي زواج مبكر في اذنا لليوم

_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: حرموها من الطفولة    7/7/2010, 11:47 am

زواج في السن 14 يعتبر اغتصاب من رأيي حتى لو صرح فيه اعلم علماء المسلمين! ومش معنى هيك انو نرضى لأنو الحمد لله خلق لنا عقول نفكر بها ومش نمشي زي الغنم وراء الشيوخ والمحاكم!

بالنسبة للزواج المبكر فعلا هو ازمة ومحنة للبنت حتى لو كانت راضية فهي اصلا غير بالغة العقل فكيف ترضى او ترفض! للأسف الشديد الأهل والتخلف والعادات البشعة هي السبب. وعادة في حال عدم نجاح هكذا ارتباط ولن اسميه زواج يقوم الأهل برمي اللوم على البنت واذا طلقت فتصبح جارية لأخوانها او لهم في المنزل ويمنع عنها كل شئ بهدف حماية الشرف.

يعني موضوع مهم سيدة ميسون وياريت يكون في اهتمام من جانب القضاء اكثر بالمرأة وخصوصا عنا بالقرى وياريت نبدأ نختار ناس للحكومة تهتم بهالاشياء وننسى الأحزاب

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
غزة



عدد الرسائل : 438
تاريخ الميلاد : 15/07/1990
العمر : 26
البلد / الدولة : usa
تاريخ التسجيل : 05/12/2009

مُساهمةموضوع: رد: حرموها من الطفولة    7/7/2010, 1:38 pm

اما انا فأرى الموضوع من زاوية مختلفة تماما .
يا سادتي الكرام انا الي بنت اختي والله ما انا عارفة هي بـأي صف هلأ اما اللي بعرفه انها مولودة بال96 قبل تلت سنين بتقلنا انو المديرة والمرشدة لقو عندهم بصفهم "بصفهم" بنات متجوزين عرفي "عـــرفـــي " !!!!!!!!!
شو رأيكم؟؟!!!!!
يا اخوان الاهل بهالايام مش فاضيين يربوا اولادهم الام موظفة او غير والاب موظف والاولاد مع وسائل الاعلام المختلفة "نت ،دشات ،وغيرها "حتى افلام الرسوم المتحركة اصبحت مقززة وفاضحة.
هلأ بالله عليكممين افضل لهاي البنت تتجوزبمعرفة اهلها وعلى مرأى من العالمين ؟؟ والا تروح تتنيل على عين اهلها عرفي والا مش عارفة شو .
انا هاي الفلسفات بتكهربني "قال طفلة" هي التلفزيونات خلت اطفال .
سامحوني على فظاظتي بس عن جد "ميسون وماير " قهرتوني .

_________________
اخي الكريم...اختي الفاضلة.
لا تنسى ان عبارة "ان شاء الله" تكتب هكذا
ان شاء الله
الرجوع الى أعلى الصفحة اذهب الى الأسفل
عنكبوت المرمى



عدد الرسائل : 235
تاريخ الميلاد : 15/08/1985
العمر : 31
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: حرموها من الطفولة    7/7/2010, 2:56 pm

Mayer كتب:
زواج في السن 14 يعتبر اغتصاب من رأيي حتى لو صرح فيه اعلم علماء المسلمين! ومش معنى هيك انو نرضى لأنو الحمد لله خلق لنا عقول نفكر بها ومش نمشي زي الغنم وراء الشيوخ والمحاكم!


انا سألتك هالسؤال قبل هالمره ورح اسألك اياه مره تانيه
هل انت مسلم اخ ماير ؟؟؟ وانا لا اقصد في الهويه
عندما تقول ان الزواج في سن 14 سنه اغتصاب فمذا برأيك تقول للرسول صلى الله عليه وسلم عندما تزوج من السيده عائشه رضي الله عنها وهي بنت التسع سنوات؟؟؟؟؟؟؟؟؟؟؟؟؟؟؟؟؟؟؟؟
وفي رأيك اذا لم نمشي وراء العقيده الاسلاميه واولي الامر منا كما ورد في القرآن الكريم
نمشي ورا مين يا ترا.... نمشي بافكار جيفارا ولا نصير نقول كما قال الشاعر رضي الله عنه
ولا كما قال المغني كرم الله صوته ؟؟؟؟؟؟!!!!!!!!!

اوزن كلامك قبل ما تحكيه لانو كلامك في تخبييييص كثير اعذرني على التعبير بس انت اجبرتني على هيك
والله من وراء القصد

_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: حرموها من الطفولة    7/7/2010, 5:38 pm

سيد عنكبوت ليش التجريح بشخصي ليش بتسألني عن ديني عشان تسميني كافر وتقمعني يعني بتستخدم الدين عشان تقمع رأيي وليش بتحكيلي اوزن حكيي قبل لأحكي يعني حتى حرية الحكي ممنوع!

انا ما رح اجاوبك على سؤال الدين لنو شئ شخصي!

اما بالنسبة عن ما تقوله عن زواج الرسول عليه الصلاة والسلام من السيدة عائشة وهي في سن التاسعة اول شي يعني انت اكيد ما كنت معهم قبل 1500 سنة يعني ما عندك اثبات وما تحكيلي حديث وسنة لنو في احاديث كثير مكذوبة ومحرفة وهاذا شئ طبيعي ومن القرآن ما عندك دليل فهالحكي مفروغ منو! 

بعدين يا اخي هو الناس زي الرسول عليه السلام يعني بتحط نفسها بمقامو شو درانا كم كان عمرها ولا متى تزوج ولا كيف ولا شو السبب من هيك زواج مبكر اذا كان مبكر يعني هو رسول في اشياء كان لازم يعملها لأسباب معينة ! بغض النظر عن هالأسباب!

وبعدين انت اسأل نفسك او عقلك او المنطق هل شئ طبيعي تزوج وحدة عمرها 9 سنين قبل ما تاخد بهالسنة لانو مش كل شي سنة في اشياء مش سنة ولا كان ازوجنا زوجات الرسول بعد ما مات عليه السلام! او اتزوجنا تسع نساء او صرنا كلنا رسل وحكينا اجانا وحي!

يعني الشغلة بس بدها الواحد يشغل مخو وبعدين هداك زمان وهاد زمان هديك الايام كان الناس يركبو جمال وحصن هللا بركبو سيارات!

وبالنسبة للسيدة غزة هالحكي ما بصدقو يعني اسمحيلي ليش ليزوجو عرفي اصلا ما يتركو هالشي وبعدين مش معنى انو الاهل مشغولين يعني نترك اطفالنا ليعملو هيك اشياء بهيك سن يعني عذر اقبح من ذنب
الرجوع الى أعلى الصفحة اذهب الى الأسفل
غزة



عدد الرسائل : 438
تاريخ الميلاد : 15/07/1990
العمر : 26
البلد / الدولة : usa
تاريخ التسجيل : 05/12/2009

مُساهمةموضوع: رد: حرموها من الطفولة    7/7/2010, 8:39 pm

حبدأ حديثي موجها لأخي الفاضل عنكبوت المرمى ، فنحن هنا في ميدان نقاش وحوار وليس في ساحة تقريح وتجريح فلنكن اخي الطيب اصحاب حجة في نقاشنا .ولكن وديين مع بعضنا البعض .
اما اخي الكريم ماير فأنا حسلم جدلا برأيك انو ما رويته انا على لسان بنت اختي محض افتراء.
ماشي هلا عندكم ببلاد الحضارة البنت متى ما صار عمرها 16 سنة مشمن حقها تخرج مع رفيقها وبكتفي لحد هون .... والباقي لا احد يجهله . وانا افترضت ان بنت ال16 مع انو من خلال افلامهم وما بنتبلى عليهم بيجيبولنا قصص عن بنات ال"14" اللي انت تثور من اجلهم .
هاد ببلاد الغرب اما عن بناتنا فازا الله كتبلك تيجي على هالبلاد بتشوف البنات وساعتها احكم ، مش جزافاً . والله يمكن ساعتها تنزل اعتزار بالصحف الرسمية عن اتهامك لجكيي بعدم المصداقية ، لاحظ انا ما قلت انك اتهمتني بالكزب

_________________
اخي الكريم...اختي الفاضلة.
لا تنسى ان عبارة "ان شاء الله" تكتب هكذا
ان شاء الله
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: حرموها من الطفولة    7/7/2010, 11:03 pm

غزة اعذريني انا ما كان قصدي اتهمك بالكذب انا بس مش مصدق الموضوع مش معنى هيك انك مش صادقة مع انك حكيتيها يعني! بس بتعرفي البنات بهالعمر ببالغو شوي!

سيدة غزة باختصار البنت لما يكون عندها صديق عادة بكون بعمرها ومش قد ابوها وفيها تحمي حالها منو يعني اتوقع الفكرة وصلت!

وبالنسبة للأفلام وهالحكي صدقيني هاد مش الواقع وبعدين يعني هون ما بكونو مهتمين بهالشي ليل نهار زي العرب الي عندهم تلفزيون اباحي جنسي من الدرجة الأولى وخاصة تلفزيون الذين وضعو الدين السعودي وطمسولنا دينا وعاداتنا وتقاليدنا ولبسو نسوانا اسود وخمار وسوهم زي كياس سوداء! واعني هنا بتلفزيون جوهرة الفهد وعيالها وورعانهم!

بدي اوريكي الفرق بين الدين على الطريقة السعودية والدين الإسلامي الرحيم مع عاداتنا وتقاليدنا


هيك بدها السعودية يكونو نسائنا:



وهيك حضارة مندمجة بالإسلام عمرها اكثر من 10 الاف سنة من ايام المينوتوروس ونسائنا تلبس هيك والدليل سافرو لكنوسوس بجزيرة كريت ورح تشوفو الزي الفلسطيني على جدران القصر

الرجوع الى أعلى الصفحة اذهب الى الأسفل
عنكبوت المرمى



عدد الرسائل : 235
تاريخ الميلاد : 15/08/1985
العمر : 31
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: حرموها من الطفولة    7/7/2010, 11:22 pm

اخ ماير ... انا لما سألتك عن ديانتك ما كان قصدي التجريح ابدآ لا سمح الله .... انا سألتك علشان اعرف كيف ممكن رح يكون طريقة جدالي ونقاشي معك
مثلآ النقاش مع المتشدد في الدين يختلف مع المؤمن
ويختلف مع من يعتنق ديانات مختلفه ولا مجال للنقاش مع ملحد وهكذا .....
وبصراحه كلامك جدآ مستفز ... يعني مجرد تشكيكك بالسنه وببعض الاحاديث وووووووووو يستفز اي مسلم هذا اولآ
اما ثانيآ اخ ماير لا يوجد شيء اسمه حريه النقاش بالتجريح في ديانه معينه ....(لكم دينكم ولي دين)
والله من وراء القصد
.....................
وكما قالت الاخت غزه لمذا تهاجمون الزواج في سن ال 14 سنه في اسلامانا مع العلم انه في بلاد الغرب اذا وصلت البنت 14 بالحرااام مع صديقها مش زواج
ولا الموضوع بس خالف تعرف

_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
ميسون سليمان



عدد الرسائل : 742
تاريخ الميلاد : 24/01/1965
العمر : 51
البلد / الدولة : فلسطين بلدة اذنا محافظة الخليل
تاريخ التسجيل : 07/08/2009

مُساهمةموضوع: رد: حرموها من الطفولة    8/7/2010, 1:07 am



اخي عنكبوت تعليق على كلامك بخصوص اظن ان هذه الظاهره تكاد بل انقطعت نهائيآ من بلدتنا اذنا مثل ماتقول مع احترامي لك ..اسمحلي اناقشك واطلعك على معلومات من المحتمل انك قد تجهلها كونك شاب ترعرعت ودرست بالخارج ...
اولا : بخصوص اجازة المحكمه بتصريح سن 14 سنه بالزواج اتمنى ان يصدر قرار بمنع هذا الزواج من قبل الحاكم الشرعي، والقاضي على الاقل
يبقى الباب مفتوحاً للتغيير لسن أعلى تستقر عليه المحكمة , انت لا تسمع عن قصص كثيرة تمر علينا من كتير فتيات نلتقي بهم اما في مؤسستنا الاصاة للثقافة والتراث في اذنا ,او في العيادات الصحية والاغاثات الطبية , اسمح لي ان اقول لك انهم يلعنوا اليوم التي وافقن فية على الزواج في عمرهم هذا وان الذنب ليس بذنبهم لانهم كانوا صغار لا يستطيعوا ملك القرار , وحتى من تم الزواج بموافقتها تعترف انها في عمرها هذالا تستطيع تحسن الاختيار, فهناك بعض الفتيات ليس زواجهن بالبعيد فمنهم من هي متزوجة من سنتين او اكتر او اقل وللاسف بخضعوا للعلاج لمشاكل عديدة صحية ومنها خطيرة اثار حمل ووووالخ فالضرر الناتج عن زواج الصغيرات على الصعيد الصحي واضح بطفلة، فالواجبات تعد مهمة صعبة على فتاة صغيرة على سبيل المثال ’ فمنهم لا يتجاوز عمرها ال 16او اقل او اكتر... فهناك اخي مشاكل صحية ونفسية وآثار اجتماعية كمان..ودخلك صديقك هذا يلي يبحث عن عروس اكيد حاصل على شهادة جامعية و ببحث عن عمرال 14 , لان للاسف الشديد شبان هذا العصر في البلدة لا يأمن الا بالفتاة الطفولية فمنهم من يعتقد انه يتيح لة تشكيلها كعجينة يشكلها كمايشاء ومطالبها تكون أقل بكثير من الفتاة الكبيرة في السن أو الفتاة الجامعية’ومنهم من يريدها صغيرة حتى يقوم بتربيته بالطريقه التي يريدها ... ومنهم من تختارها لة والدتة لانها من ذريتها او زريعتها حتى لو كانت صغيرة ولاتفهم شيئاعن الزواج لا يهم وووووالخ في الوقت الذي لا توجد فائدة من زواج رجل بالغ بطفلة ، ويتخطى الفتاة الواعية سننا والحاصلة على شهادة جامعية والتي تكون على قدر كبير من الثقافة الجامعية والاجتماعية ....
فالود ودي اخي عنكبوت المرمى ان يكون يشترط بالزواج شهادة طبية من الطبيب المختص يؤكد اكتمال البنت جسديا ونفسيا كمان....
وانا بشوف ان لا يجب مقارنة الفتاة في العصر الحالي بالعصور القديمة بسبب تغيرات عديدة طرأت على المجتمع فكل مؤيدين هذا الزواج بلاحظ انهم يستندواعلى زواج الرسول صلى الله عليه وسلم من السيدة عائشة رضي الله عنها وهي في التاسعة من عمرها،لا يجب القياس بالسيدة عائشة رضي الله عنها، لان القياس يكون قياس غير صحيح، فالسيدة عائشة لها خصوصيتها متل ماحك ماير, فأين نحن منه عليه السلام ,لا علاقه للدين بهذه العاده السيئه جدا بعتقد انها مجرد عادات وتقاليد ..هل تقارن بنات هذا الجيل ببنات الجيل الماضي ؟هل قدرة الفتاة على التحمل مثلما كانت قديما ؟لا طبعا ....
مشكلتنا ان الجميع يعلم أساس مشاكل هذا الموضوع بالذات والكل يهرب من معالجتها، مجتمعنا كالنعامة عنكبوت كارثة انسانية بكل المقاييس,هناك جهل في هذا الموضوع حتى هذا الوقت أم هذا تخلف لا اعرف بالضبط ....
ارجو ان يتقبل كلا منا اراء كل عضو في هذا المنتدى وتتم المناقشة بدون تجريح ومتل ماحكت الاخت غزة مشكورة
نحن هنا في ميدان نقاش وحوار وليس في ساحة تقريح وتجريح ’فلنكن اخي الطيب اصحاب حجة في نقاشنا .ولكن وديين مع بعضنا البعض ...وعذرا
اخي عنكبوت اذا تطرقت للموضوع بشرح طويل فية نوع من الحساسية لفتيات البلدة لكن اعتقد اني جسدت الحدث حسب ماسمعت وشاهدت واكبر منك يوم اعرف منك بسنة تحياتي للجميع ...

_________________
وفي قلوبنا جهنم حمرا

إذا عطشنا نعصر الصخرا

ونأكل التراب إن جعنا .. ولا نرحل

وبالدم الزكي لا نبخل .. لا نبخل .. لا نبخل

هنا .. لنا ماض .. وحاضر .. ومستقبل


عدل سابقا من قبل ميسون سليمان في 9/7/2010, 11:07 pm عدل 3 مرات
الرجوع الى أعلى الصفحة اذهب الى الأسفل
شمس الدين



عدد الرسائل : 161
تاريخ الميلاد : 03/09/1990
العمر : 26
البلد / الدولة : سوريا- اللاذقية
تاريخ التسجيل : 06/03/2010

مُساهمةموضوع: رد: حرموها من الطفولة    9/7/2010, 7:55 am

انا لا أرى هذه الظاهرة في سوريا أبدا
و سن الزواج الرسمي في سوريا
هو 18
يعني الشب و البنت بيكونوا واعيين و فهمانيين شو عم يعملوا
انا هاد يلي فيني قوله اما شوبيصير ببلدان تانية انا ما بعرف
و قصة انو في بنات اعمارهم 14 او حتى 13 سنة متزوجيين عرفي
هي معروفة و بتصيير بكل البلدان العربية و المسلمة
و اذا بتحبوا بعطيكم امثلة لبنات اعمارهم لا تتجاوز التسع سنوات
يمارسن جميع انواع المحظورات في الجنس
و هن سعوديات
و آبائهن يتفاخر ون بهم
بل و يعرضوهم بالمواقع الاجنبية
و تحديدا في مدينة الرياض
و لن أذكر أكثر من هذا
فالقصة التي ذكرتها اختي غزة
حقيقية و لا مجال للتشكييك في كلامها
أما ان كنت يا اخ ماير تشكك بأن عائشة رضي الله عنها
تزوجت و كان عمرها 9 سنوات
فأنت تستطيع القول أيضا ان عمر بن الخطاب لا وجود له أساسا
لأن حجة وجود عمر بن الخطاب بين الصحابة و قصة اسلامه
معروفة كما هي معروفة قصة زواج ام المؤمنيين عائشة و هي عمرها 9 سنوات فقط
و الأحاديث المكذوبة لا توجد أبدا في كتاب صحيح بخاري و صحيح مسلم
و لا في الترمذي و لا ابن ماجة و لا النسائي
و كل الأحاديث في كتبهم صحيحة مئة في المئة
و لا يجرأ احد على القول انها ليست صحيحة
و افتح هذه الكتب و تأكد ان عائشة رضي الله عنها تزوجت و عمرها 9 سنوات








و لكن يبقى زماننا زمن لا يرحم
و كما قال العلماء لا ينكر تغير الأحكام بتغير الأزمان
يعني كان السارق تقطع يده أما هلأ لا تقطع يده و انما يسجن
و كمان كانوا بنات ايام زمان ما متل هالبنات
و كانوا الرجال ما متل هالرجال
كانت البنت يربيها زوجها
و كان اللاجل فطن و راجح العقل حكيم حليم
هكذا كانت أخلاق العرب و صفاتهم
أنا في زماننا ؟؟؟؟؟؟
لن اتكلم ماذا في زماننا لأننا جميعا نعلم ماذا في زماننا
بس انا برأيي الشب ما لازم يتزوج قبل 20
و البنت ما لازم تتزوج قبل
18
او
17
مش مشكلة

و هاد رأيي و رأيي بيعبر عن تفكيري انا
و ما بيعبر عن اي حد تاني
يعني اذا كان تفكيري غلط
فلا تلوموا اي حد
و شكرا للموضوع أختنا ميسون
الرجوع الى أعلى الصفحة اذهب الى الأسفل
عنكبوت المرمى



عدد الرسائل : 235
تاريخ الميلاد : 15/08/1985
العمر : 31
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: حرموها من الطفولة    9/7/2010, 3:15 pm

اولآ وقبل كل شيء للاسف ميسون حضرتك بتحكي معي وكأني متخلف او ولد زغير ما بيعرف شو بيحكي وعماله بخبص بكلامه...... لو ترجعي على اول رد في موضوعك وتقرأيه منيح بتلاحظي انو انا مش مع الزواج المبكر .... بس لما يجي شخص يشكك في سنه ودين ويسب على اولي الامر فهذا اكبر تخبيص ولهون وبس ... انا يمكن ديني على قدي بس ما توصل الشغله للتشكيك التخبيص ..... وهذا اللي كبر الموضوع شوي لكن فعليآ الزواج المبكر له سيئاته وله حسناته ولكل قاعده شواذ.
اما بخصوص صديقي وهو جامعي فعلآ ... ولكن لم تصل بي المرحله لاكون طائش وعبيط حتى اعطي مثل على كلامي ولا يصب في مصلحتي فلو تقدم صاحبي لفتاة قل عمرها عن 20 سنه لما كنت فكرت ان اطر قضيته كمثال على كلامي
يعني بالنهايه انا مش اهبل يا ميسون حتى اجيب مثال يكون ضدي مش معي .
اما ما قلتي بخصوص (وانا بشوف ان لا يجب مقارنة الفتاة في العصر الحالي بالعصور القديمة بسبب تغيرات عديدة طرأت على المجتمع )

اعطيني سبب واحد بس !!!
................................
وفي النهايه ميسون ... اين هو النقاش الجاد برأيك فعندما خالفتك الرأي اصبحت انا المتخلف وانا اللذي لا اريد النقاش وانا مسبب المشاكل ومفتعل التجريح والتقريح وووووو ؟؟؟!!!!!! مع العلم انه من بدأ بالتجريح هو من شكك في سنن الله ولا لانو وافقك الرأي اذآ هو على حق مهما قال ؟؟ !!!
وعندما يقول
زواج في السن 14 يعتبر اغتصاب من رأيي حتى لو صرح فيه اعلم علماء المسلمين! ومش معنى هيك انو نرضى لأنو الحمد لله خلق لنا عقول نفكر بها ومش نمشي زي الغنم وراء الشيوخ والمحاكم!
وعندما يقول انه (اما بالنسبة عن ما تقوله عن زواج الرسول عليه الصلاة والسلام من السيدة عائشة وهي في سن التاسعة اول شي يعني انت اكيد ما كنت معهم قبل 1500 سنة يعني ما عندك اثبات وما تحكيلي حديث وسنة)
اذا هو فعليآ يشكك بوجود الرسول عليه الصلاة والسلام وهو يشكك بوجود دين اسلامي بالتالي فما رأيك في هذا الكلام هل اكتف يدي اهز رأسي واقول له كلام سليم لمجرد انه عارض الزواج المبكر؟؟؟؟؟!!!!!!
وفي نهاية كلامي في هذا الموضوع .... انالم ولن اقصدالتجريح في شخص ....

انت فهمتيني غلط يا ميسون وعاقبتيني بكلامك على غلط غيري وصبيتي جماح غضبك علي وبدون تفكير لمجرد انك فكرتي اني خالفتك الرأي !!!! اين هو النقاش الجاد اذآ
؟؟؟؟؟؟؟؟؟؟؟؟؟؟؟؟


_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: حرموها من الطفولة    9/7/2010, 10:05 pm

يعني يا سيد عنكبوت المرمى عن جد انت مفروض تحاول تناقش بطريقة احسن شوي وتهدي يعني ما تجاوب على الي بحكي جاوب على الي انحكى فاهمني! مين حكالك اني بشكك انو في اسلام بعدين ليش ما كملت الجملة الي انا كتبتها ! ليش قصيتها من الوسط هيك المعنى ما بكتمل!

النقاش بهالطريقة عقيم اسمحلي ولا كان جبت دليل على زواج الرسول من عائشة وهي عمرها 9 سنوات بس انا متأكد انك سامع هالحكي وعمرك ما قرأته بغض النظر انا عارف وين مكتوب هالحكي لنو تناقشت كثير بالموضوع طبعا دفاعا عن محمد عليه السلام مش ضدو لنو هاي ذريعة الكثيرين ضد الإسلام بقولهم تتبعون رجلا يتزوج ويجامع الأطفال!

اما الدليل فياريت اذا جبت دليل تجيب اسماء كل الرواة من الأول حتى اخر راوي وتنساش الجامع والموثق وحتى النسخة لازم تكون موثقة انها نسخة طبق الأصل للموثق!

وبعدين بتروح على كل راوي وبتشوف شو كانت حياته هل كان صادق كاذب ولا نص نص هالشي بتلاقي بكتب معينة بتحكي بس عن الرواة وحياتهم! بس تنساش كتاب ما بكفي بدك اكثر من نسخة والأحسن كلهم وفي كتب متناقضة مع كتب اخرى بدك تعرف مين الصح ! وما تحكيلي رواة البخار ولا مسلم ولا مش عارف مين لنو كل انسان بخطئ وممكن يكذب او حد يكذب عليه فلازم تتحرى بنفسك وخصوصا لما تحكي انو الرسول صلى الله عليه وسلم تزوج من طفلة عمرها 9 سنوات اه اكيد فاهمني انت! ومع كل ذلك في احتمال كبير يكون الحديث غلط لأي سبب!

جيبلي هالأدلة لو سمحت ساعتها بطلع عليهم وبجاوبك انا حبيت اكون موضوعي وبحبش ارد على كلامك العاطل عني انت اقتصصت ما تريد من كلامي وتركت ما تريد !

وياريت تجاوبني بطريقة حسنة وتكون موضوعي!
الرجوع الى أعلى الصفحة اذهب الى الأسفل
ميسون سليمان



عدد الرسائل : 742
تاريخ الميلاد : 24/01/1965
العمر : 51
البلد / الدولة : فلسطين بلدة اذنا محافظة الخليل
تاريخ التسجيل : 07/08/2009

مُساهمةموضوع: رد: حرموها من الطفولة    10/7/2010, 12:23 am

اخي عنكبوت المرمى اولا بتمنى وبطلب منك ان تعيد قراءة النقاش لاني غيرت واضفت بعض المعلومات التي تقرب وجهات النظر وتوضح ان الموضوع مش اكتر من ناقش عادي, وشي اخرانا مابحمل غضب ولا في اي اتهام موجه لك على انك ولد زغير وبتخبص ومتخلف مع احترامي لك
وماذكرتة من حديث بخص الفتيات هذا واقعنا يااخي في بلدة اذن..ا انت عم بتثبتلي انك غريب عن البلدة انا لن اذكر شي لم يحصل واعي كل كلمة كتبتها ,على حساب انك الان تعيش في البلدة اذن على علم من هنا وهناك بكل مجريات واحداث البلدة قصدت اوضح لك امور بتحصل يوميا في اذنا داخل عائلات متعددة ونتناقش مع بعض بشفافية وبدون زعل لان الموضوع اول على اخر بمصلحة البلد واكرر اني لن اقصد ان ماتظنة ابدا ....
وبخصوص حديثك مع ماير بتصور اخذ كتتتتتتتتتير ,يعني عم بتبتعدوا عن اصل الموضوع وبتتخالفوا على نقاط بتخص الدين والمسائل الدينية خاصة ان لكم اكتر من صدام في مواضيع اخرى وبرضوا بخصوص مسائل دينية .. فياريت ماتصتدموا مع بعض اكتر من هيك فلنترك هذا الأمر لأهله والعلم للعلماء ......
مع تحياتي لكل من مر على هذا الموضوع وعطرة بتعليقه شمس الدين وماير وعنكبوت لكم كل التحيات واخي عنكبوت المرمى حليب يا اشطى صافى يا لبن وانشاء اللة مابكون هناك اي خلاف بننا.. نحن اسرة واحدة وابناء بلد ووطن واحد....



_________________
وفي قلوبنا جهنم حمرا

إذا عطشنا نعصر الصخرا

ونأكل التراب إن جعنا .. ولا نرحل

وبالدم الزكي لا نبخل .. لا نبخل .. لا نبخل

هنا .. لنا ماض .. وحاضر .. ومستقبل
الرجوع الى أعلى الصفحة اذهب الى الأسفل
vala



عدد الرسائل : 2780
تاريخ الميلاد : 15/05/1920
العمر : 96
البلد / الدولة : الدوحه-قطر
تاريخ التسجيل : 13/05/2009

مُساهمةموضوع: رد: حرموها من الطفولة    13/7/2010, 11:40 pm

ياشباب ويا صبايا بأختصار شديد الزواج في سن مبكرة جريمه لاتغتفر بحق البنت والولد ومثال الرسول صلى الله عليه وسلم يعزز كلامي لانه رسول ونحن بشر ولن يكون اي منا مثل الرسول صح يا عنكبوت ؟؟؟؟؟؟؟؟ والأسلام دين يسر وليس دين عسر ولذلك ترك مجال للأجتهاد ولا ننسى ان اقامه الحد حكم شرعي ومع ذلك سيدنا عمر الغاها في زمن القحط والجوع عن السارقين واما علماء المسلمين اليوم فأرى ان أغلبهم يمشون وراء مصالح الحكام ولا يعيرون للدين اي اهتمام
مع أستثناء البعض طبعا
اشكرك ميسون واشكر الجميع لسعه صدروهم

_________________
[i]من شدة حبي لبلادي
لا افنى واموت
لكن اتجدد............
دوماً اتجدد!!!!
الرجوع الى أعلى الصفحة اذهب الى الأسفل
sema



عدد الرسائل : 13
تاريخ الميلاد : 13/11/1970
العمر : 46
البلد / الدولة : فلسطين
تاريخ التسجيل : 16/07/2010

مُساهمةموضوع: رد: حرموها من الطفولة    17/7/2010, 1:19 am

فعلا الزواج المبكر جريمه بحق الفتاة وشكرا سيدة ميسون لهذا الموضوع
الرجوع الى أعلى الصفحة اذهب الى الأسفل
 
حرموها من الطفولة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بلدة اذنا :: منتدى المرأة والطفل-
انتقل الى: