منتدى بلدة اذنا

منتدى بلدة اذنا

منتدى بلدة اذنا
 
الرئيسيةاليوميةالبوابةس .و .جبحـثالتسجيلدخول

شاطر | 
 

 انتخابات بلدية اذنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ميسون سليمان



عدد الرسائل : 742
تاريخ الميلاد : 24/01/1965
العمر : 51
البلد / الدولة : فلسطين بلدة اذنا محافظة الخليل
تاريخ التسجيل : 07/08/2009

مُساهمةموضوع: انتخابات بلدية اذنا   7/6/2010, 12:33 am



كلمة خاصة بالانتخابات موجهة لاهل بلدتي العزيزة اذنا......
نحن نقف على عتبة انتخاب رئيسآ جديدا لبلدية البلدة,تقريبابعد اقل من شهرين ..ولكن للاسف ومع بداية الترتيب لتشكيل القوائم ، أصبحنا نصطدم بالخلاف التصادمي العائلي ، وحين يقع مثل هذا التصادم ندرك جميعنا بان مصدره يكون أناس عابثون او بعيدين عن الوعي والحس الوطني، وغالبا تكون أسبابه استغلال هؤلاء المرشحين لفقر و ضعف الناخب أو جهله ، أو مشكلة عائلية يستغلها ذاك المرشح ، أو قلة تربية بالمصدر ذاته باستغلاله الخلافات وإثارتها ,وللاسف مافي هناك قانون يحاسب هؤلاء العابثون ...انابرأيي ان هذه الانتخبات يستغلها بعض المرشحين لتعزز شق العائلات ، وبذلك بتزيد من حجم المأساة بين أبناء العائلة الواحدة، بتنطلق من مصطلح من خالفني الرأي فهو ضدي ، طب برأيكم من يدفع ثمن هذة المأساة سوا اهل هذة القرية ...
كلنا نعلم بان الهدف من التصويت لاختيار رئيس وأعضاء المجالس البلدية ، يعني لنا اختيار المرشح المناسب لتقديم خدمات أفضل لاهل قريتنا ، لكن للأسف أصبحنا نبتعد عن هذه المعرفة وحتى عن التسمية ،إن الأمور خرجت عن معنى تقديم الخدمة ، وعن اختيار المرشح الأفضل ، فأصبحنا نسير خلف من يريد أن يكون صاحب هذا المنصب ، دون أن نعي أهدافه ، نقل له نحن معك ,حتى لو كان يقودنا للتهلكة ، وبعتقد ان هذا ولاء أعمى ....
بنتمى ان يتمتع المرشح بمنافسة تكون بصورة شريفة نزيهة راقية.. تجعله يحترم منافسه.. ويقدر فعلاً الأهداف والطموحات والتي يجب أن تكون لمصلحة قريتنا أولاً ,مش تكون منافسة عنيفة بريئة من القيم والادب وبعيدة كل البعد عن حسن الخلق,انا مااختلقت هذا من وحي افكاري بل سمعتة بأذني وللاسف هذا الآن حديث الشارع ....
الانتخابات بحد ذاتها تعبير حرّ مني ومن كل مواطن في قريتنا لنختار من يمثلنا في تسيير أمور بلدتنا أو قريتنا ويكون كفوءا و يستحق الموقع ،وسيكون من الخطر ان ننتخب من لا يستحق منا أن نمنحه الثقة ، ليس السبب لشخصه ، وليس لعائلته ، ولا لانتمائه ، وإنما السبب يكون متعلق بعدم كفاءته..ولا اظن ان احدآ يتمنى
إلحاق الضرر بمصلحة البلد و مستقبله .....
بتمنى ان لا نبتعد عن العادات والتقاليد والقيم ، من خلال صنع الخلاف التصادمي العائلي
وإبعاد الناخب عن هذه الصراعات و الظروف التي من شانها تمزيق الترابط الأسري في وسط العائلات، و ما يحاول إي من المرشحين من تثبيت ذاته من خلال ذلك التصادم والخلاف....
واللة الموفق ونحن أهل هاي القرية سنببقى سيد القرار ، فهل تحسن الاختيار ....

_________________
وفي قلوبنا جهنم حمرا

إذا عطشنا نعصر الصخرا

ونأكل التراب إن جعنا .. ولا نرحل

وبالدم الزكي لا نبخل .. لا نبخل .. لا نبخل

هنا .. لنا ماض .. وحاضر .. ومستقبل
الرجوع الى أعلى الصفحة اذهب الى الأسفل
ميسون سليمان



عدد الرسائل : 742
تاريخ الميلاد : 24/01/1965
العمر : 51
البلد / الدولة : فلسطين بلدة اذنا محافظة الخليل
تاريخ التسجيل : 07/08/2009

مُساهمةموضوع: رد: انتخابات بلدية اذنا   7/6/2010, 7:21 pm

نرجو من جميع اعضاء هذا المنتدى الذين يسكنون بلدتنا
حاليآ ان نسمع آرائكم فيما يخص موضوع الانتخابات ...
مع جزيل الشكر لكم .....

_________________
وفي قلوبنا جهنم حمرا

إذا عطشنا نعصر الصخرا

ونأكل التراب إن جعنا .. ولا نرحل

وبالدم الزكي لا نبخل .. لا نبخل .. لا نبخل

هنا .. لنا ماض .. وحاضر .. ومستقبل
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: انتخابات بلدية اذنا   7/6/2010, 10:33 pm

طيب شو رأيكو تنتخبوني هههههه عن جد وانشاء الله ابنيلكو بركة سباحه مختلطة! وبخلي الانترنيت ببلاش وحياتكو بعرف! ومش بس هيك كمان بخلي الباص يمر على البيوت يحمل الناس على الخليل!

وبعمللكو اذاعة اف ام للتطبيل والتزمير الي! وبدي انتو بس انتخبوني والله غير اسعدكو

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
ميسون سليمان



عدد الرسائل : 742
تاريخ الميلاد : 24/01/1965
العمر : 51
البلد / الدولة : فلسطين بلدة اذنا محافظة الخليل
تاريخ التسجيل : 07/08/2009

مُساهمةموضوع: رد: انتخابات بلدية اذنا   7/6/2010, 11:17 pm

ههههههههههههه كعادتك مهرج وبكاش وحزب معارض
ومابعيجبك العجب ...بننتخبك ليش لا.. أولا عود لوطنك وبلدتك
يامغترب ....

_________________
وفي قلوبنا جهنم حمرا

إذا عطشنا نعصر الصخرا

ونأكل التراب إن جعنا .. ولا نرحل

وبالدم الزكي لا نبخل .. لا نبخل .. لا نبخل

هنا .. لنا ماض .. وحاضر .. ومستقبل


عدل سابقا من قبل ميسون سليمان في 8/6/2010, 11:24 am عدل 1 مرات
الرجوع الى أعلى الصفحة اذهب الى الأسفل
مواطن بلا وطن



عدد الرسائل : 26
تاريخ الميلاد : 14/04/1989
العمر : 27
البلد / الدولة : فلسطين/اذنــــأ
تاريخ التسجيل : 09/02/2010

مُساهمةموضوع: رد: انتخابات بلدية اذنا   8/6/2010, 6:06 am

الله يعطيكم العافيه

اول شي مشكوره اخت ميسون على موضوعك الرائع واللي بطرح اساليب وطرق لتجنب الخلافات بالاهم واختيار رئيس بلديه يهتم في مصلحه البلد اولا وسكان اذنا ثانيا
وانا بثني على كلامك في كل شي بساعد هالبلد في التطور للافضل والابتعاد عن المشاكل والتفرقة العائليه مثل ما حكيتي ...
وموضوعك الرائع ما تركلي شي لحتى احكيه......كلامك كفاية
ودمتي بود ...
الرجوع الى أعلى الصفحة اذهب الى الأسفل
نيرفانا



عدد الرسائل : 10
تاريخ الميلاد : 03/06/1990
العمر : 26
البلد / الدولة : الاردن
تاريخ التسجيل : 26/05/2010

مُساهمةموضوع: رد: انتخابات بلدية اذنا   8/6/2010, 7:20 pm

مرحبا ميسون صح انا مو عايشه باذنا بس انا عايشه اخبارها وقصصها يوم بيوم فاسمحيلي اعطي رأيي بالانتخابات ع انو من الجميل دائما ان نكون ع قناعه تامه بمقولة (الرجل المناسب في المكان المناسب)وأن نختار على هالأساس بس للاسف المشكله مش بس باذنا ومشاكلها العائليه المشكله بمجتمع عربي كامل لانه بتحداك ازا انو عمروصار اتخابات نزيها بكل معنى الكلمة في اي وطن عربي .........
وأنا بتمنى دائما وابدا بتطور اذنا ومساعدة اهلها وبتمنى توصلو للقرار الصحيح بعيدا عن اهداف وغايات اخرى
مشكورة اختي وتقبلي مروري
الرجوع الى أعلى الصفحة اذهب الى الأسفل
ميسون سليمان



عدد الرسائل : 742
تاريخ الميلاد : 24/01/1965
العمر : 51
البلد / الدولة : فلسطين بلدة اذنا محافظة الخليل
تاريخ التسجيل : 07/08/2009

مُساهمةموضوع: رد: انتخابات بلدية اذنا   8/6/2010, 9:54 pm

مواطن وماير ونيرفانا بردودكم اكتمل موضوعي....
فشكرا لكم اصدقائي الاعضاء ,واتمنى ان اسمع ردود
باقي الاعضاء على موضوع هام جدآ لبلدتنا العزيزة ...

_________________
وفي قلوبنا جهنم حمرا

إذا عطشنا نعصر الصخرا

ونأكل التراب إن جعنا .. ولا نرحل

وبالدم الزكي لا نبخل .. لا نبخل .. لا نبخل

هنا .. لنا ماض .. وحاضر .. ومستقبل
الرجوع الى أعلى الصفحة اذهب الى الأسفل
لينا



عدد الرسائل : 79
تاريخ الميلاد : 03/06/1977
العمر : 39
البلد / الدولة : الاردن
تاريخ التسجيل : 21/04/2010

مُساهمةموضوع: رد: انتخابات بلدية اذنا   8/6/2010, 10:50 pm

اسمحي لي سيدتي مشاركتكم رأيي في هذا الموضوع


بدايتا انا لا اعرف ما الذي يحصل في اذنا


لكن اعتقد انا ما يحدث من خلافات عشائرية في اذنا يحدث كذلك في معظم المجتمعات القرويه


والسبب الرئيسي فيها هو العنصريه وتعصب كل شخص الى اقاربه بغض النظر عن ان هذا الشخص كفؤ ام لا


وهذا دليل على ان هؤلاء الناس ليس لهم غاية سوى المجد والشهره ولايسيرو على مبدأ ان العضوية تكليف لا تشريف بل العكس وهو التشريف لذلك لا ينتخبو من هو كفؤ ومن هو اقدر على خدمة بلده بل يختارو من هو اقرب لهم


للاسف هذه مشكله عامه ولا تخص اذنا وحدها بل موجوده في كل المجتمعات القبليه


لكن اعتقد ان المشكله في فلسطين اعمق بسبب وجود الاحتلال والمندسين من المخربين


اشكرك جزيل الشكر سيدتي لطرحك هذا الموضوع للنقاش
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: انتخابات بلدية اذنا   9/6/2010, 12:53 am

بدهم ينشهرو بإذنا هههههههههههههه! يا عمي الديمقراطية مش بس الإنتخابات الديمقراطية انو الي بنتخبو بنتخبو بعقل بس عنا احنا ما في عقل فما في فايده من الإنتخابات!

يعني مفروض يعملو لجنة مكونة من وجهاء البلد ويكون كل عضو الو صوت وبس يعني بدون رئيس وبطيخ لأنو بس هيك بكون في لكل عيلة بالبلد متحدث ولازم ما ينفذو اي قرار الا اذا كانو 70 بالمية موافقين وبس هي عملتلكو ديمقراطية جديدة

بس لو تسمعو مني اختاروني انا اصير رئيس البلدية! رح اعمللكو ديسكو على الطراز الحديث ورح افتحلكو مكتبة فيها كتب! ورح اعمل غابة انجليزية بنص البلد وتكون على الطراز الاوروبي ورح احكم على كل رجال يطلع عيلتو مرة بالاسبوع على الغابة

ورح افتح محل للمساج ورح اخلي المواصلات ببلاش شو كمان بدكو انتو بس اختاروني

وعفكرة رح اسوي شارع بطلع برة البلد باتجاه واحد عشان الي بطلع ما يرجع 

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
غزة



عدد الرسائل : 438
تاريخ الميلاد : 15/07/1990
العمر : 26
البلد / الدولة : usa
تاريخ التسجيل : 05/12/2009

مُساهمةموضوع: رد: انتخابات بلدية اذنا   9/6/2010, 7:50 am

صباح الخير للكل ...
هو كون الموضوع مطروح فهو للجميع انا برايي ان يكون هاد المنتدى منبر للتوجيه مش للنقاش ، يعني ناقشنا وحكينا وكل واحد فيكم يا ابناء اذنا اعطى رايه وتشدد اليه ، شو استفدتوا؟ ولاشي .
كل واحد رح يضل متعصب لفكرته ، اما انا برايي انو من هون اعطو نصائح للناس ما تقولوا فلان قولوا فليكن صوتك للي بيعمل كذا او كذا وحذروا من اصحاب المصالح والمنافع الشخصية والمتسلقين على اكتاف الناس والمنافقين ووووو الى اخره . بس ما توجهوا الناس ينتخبوا اللي بدو يعمل ديسكو ههههههه .
بعدين يا ماير اشبع ديسكو باوروبا وسيب الناس يشبعو خبز يا اخي جننتنا بالديسو ههههههه.
والله منا منتخباك يلا هههههه .
معلش اختي ميسون تقبلي رايي وشكراً لكم .

_________________
اخي الكريم...اختي الفاضلة.
لا تنسى ان عبارة "ان شاء الله" تكتب هكذا
ان شاء الله
الرجوع الى أعلى الصفحة اذهب الى الأسفل
اماني اطميزي



عدد الرسائل : 16
تاريخ الميلاد : 27/02/1989
العمر : 27
البلد / الدولة : بلاد الله الواسعة
تاريخ التسجيل : 22/05/2010

مُساهمةموضوع: رد: انتخابات بلدية اذنا   9/6/2010, 12:16 pm

حلو الموضوع اكثير
بس احنا مهما حكينا وعدنا وزدنا بنضلنا في نفس المشكلة لانو انا وانت و هي بنعرف انو الانتخابات لازم اتصير بطريقة ديمقراطية وبنزاهة
بس ياعمي شو بدو يفهم لكبار هاد الحكي
يعني مدق المي وهي مي بس احنا بنتأمل هالسنة اتكون افضل من سابقتها من السنين
وما نوقع بالحفرة كمان مرة
انا بنتخبك يا ماير بس بشرط انو اتساعدني في تنفيذ مشاريعي الكثيرة
خلينا لنخلي هالبلد تنفتح عهالعالم اشوي
الرجوع الى أعلى الصفحة اذهب الى الأسفل
عنكبوت المرمى



عدد الرسائل : 235
تاريخ الميلاد : 15/08/1985
العمر : 31
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: انتخابات بلدية اذنا   9/6/2010, 1:36 pm


لدي الكثيييييير الكثير لاقوله من رأي في هذا الموضوع الشائك الواسع .... وآراء كثيره حول تعليقات بعض الاخوه على هذا الموضوع وسأحاول قدر الامكان الاختصار
........................
اولآ بالنسبه لك اخت ميسون وموضوعك فهو كما قلت شائك جدآ وبالمناسبه الانتخابات هي اوسخ واقذر لعبه اخترعت في تاريخ البشريه حيث ينقلب الاخ ضد اخيه والاب ضد ابنه والصديق ضد صديقه وحتى الزوج ضد زوجته والعكس وهذا كله بسبب المصلحه الشخصيه فقط لا غير وهذا ما يسبب الخلافات وبالتالي لن نجد من هو كفؤ لننتخبه وبالتالي انا واحد من الناس التي ستقاطع الانتخابات ان شاء الله
...........
ثانيآ انا احيي الاخت لينا واثني على كلامها المنطقي
......
ثالثآ اخي ماير بغض النظر عن ما قلته من مسابح مختلطه وديسكوهات وانا متأكد انك قلت هذا كله من باب المزاح والاعتراض ولكن اسمحلي ان اعارضك في مقولتك
(بس الإنتخابات الديمقراطية انو الي بنتخبو بنتخبو بعقل بس عنا احنا ما في عقل)
ماذا تقصد بـــ احنا ما عنا عقل ــــقولك ومن اين اتيت بمثل هذا القرار الرهيب وبأي حق تجمع وتقول احنا
..............
رابعأ بالنسبه للاخت اماني تقولين ان لك مطالب واذا ربطنا هذه الكلمه بما ختمتي به ردك انفتاح فبالتالي انتي تضمين صوتك لصوت الاخ ماير بالمطالبه بمسابح مختلطه هذا اقل ما يمكن ان يفكر به الانسان
.............
يعني بصراحه وخليني احكي شوي بالعاميه انا مش عارف شو القصد من كلام الكثير من البنات في بلدتنا واللي بسمعه وبشوفه عن طريق الانترنت من مطالبه بالانفتاح في بلدة اذنا وان الوضع مش عاجبهم في اذنا وووووووووووو
يعني خلينا نكون واقعييين وصريحين شو المطلوب يا بنات اذنا
.......................
وفي النهايه انا اعتذر على الاطاله اولآ كما واود ان ابين للجميع اني لا اقصد الاهانه كما واقدم اعتذاري اذا اخطأت مع احدكم والله من وراء القصد
كما واعتذر منك اختي ميسون لاني ابتعدت قليلآ عن الموضوع الاصلي ولكنـــــ..............!و

_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
ميسون سليمان



عدد الرسائل : 742
تاريخ الميلاد : 24/01/1965
العمر : 51
البلد / الدولة : فلسطين بلدة اذنا محافظة الخليل
تاريخ التسجيل : 07/08/2009

مُساهمةموضوع: رد: انتخابات بلدية اذنا   10/6/2010, 1:16 am


اعضاء هذا المنتدى .. نحن ندرك أن الانتخابات هي حق للشعب الفلسطيني ونحن كشعب فلسطيني نختلف عن باقي شعوب العالم ، لأننا شعب محتل متهض، وممارسة هذا الحق لنا يعني للشعب الفلسطيني الكثير ، هو من مظاهر التحرر بالنسبة لنا ....والتصويت لرأسة واعضاء المجالس البلدية ليس سوى شيء واحد هو اختياررئيس ونخبة من المرشحين لتقديم خدمات للمواطنيين في المدن والقرى الفلسطينية.....
وانا مش معك عنكبوت المرمى ان الانتخبات هي اوسخ واقذر لعبه اخترعت في تاريخ البشريه الانتخابات برغم مافيها وما عليها تعد خطوة في طريق الدمقراطية نعم اخ عنكبوت المرمى هناك طابع سياسي بحت خيم على جو الانتخابات , جعل السياسة تمتزج مع العائلية ,وهذا ماسبب
انقلاب الاخ ضد اخيه والاب ضد ابنه والصديق ضد صديقه ...
وعندما كتبت عن هذا الموضوع قصدت ان يحاولوا ان يبتعدوا عن الخلاف التصادمي العائلي
وحبيت تكون رسالة مني لأعضاء هذا المنتدى على ان ينقلوا هذة الصورة لأهاليهم ولاصحابهم وللشارع في بلدة اذنا بأن لا ننتخب من لا يستحق منا أن نمنحه الثقة ,ويكون كفوءا و يستحق الموقع .....
هذة الردود التي كنت اتمنى سماعها من الاعضاء ....
اما بالنسبة لكلمة الاخت اماني كانت راااااااااائعة وتكلمت عن واقعنا بالضبط وعلى ما اظن هي
بتقد ان البلد كلها تنفتح على العالم يعني تتطور وووووووووالخ
ومشكور كل الشكر لكل من مر على هذا الموضوع ونورة بردة ودمتم اعضاء هذا المنتدى الرائع
بمديرة ومشرفينة وبنائبة المدير فلنتينا ابو اسعد حيو معي نائبة المدير الرااااائعة التي هي حاليآ تزور فلسطين وتحديدآ مدينة رام اللة مع وفد الملتقى الثقافي الفلسطيني الذي قدم من مخيمات الشتات من عدة دول عربية ....



_________________
وفي قلوبنا جهنم حمرا

إذا عطشنا نعصر الصخرا

ونأكل التراب إن جعنا .. ولا نرحل

وبالدم الزكي لا نبخل .. لا نبخل .. لا نبخل

هنا .. لنا ماض .. وحاضر .. ومستقبل


عدل سابقا من قبل ميسون سليمان في 10/6/2010, 10:58 pm عدل 1 مرات
الرجوع الى أعلى الصفحة اذهب الى الأسفل
اماني اطميزي



عدد الرسائل : 16
تاريخ الميلاد : 27/02/1989
العمر : 27
البلد / الدولة : بلاد الله الواسعة
تاريخ التسجيل : 22/05/2010

مُساهمةموضوع: رد: انتخابات بلدية اذنا   10/6/2010, 9:35 am

هههههههههههههههه
كيفك يا عنكبوت المرمى كثير حكيك حلو
لا اكيد بلدنا من احلى البلدات فثي الخليل ويمكن في فلسطين بس انا اللي حكيتو كان مجرد دعابة يعني مزحة
وبالعامية يعني بساير ماير بس اكيد كلو مزح يعني انا اكيد ما بقبل انو يكون عندنا مسابح مختلطة ومن هالحكي والعياذ بالله
انا بتمنا انو اتكون هالبلد من احسن المناطق على طول وما تفهمني غلط
ويسلمو اكتير
الرجوع الى أعلى الصفحة اذهب الى الأسفل
عنكبوت المرمى



عدد الرسائل : 235
تاريخ الميلاد : 15/08/1985
العمر : 31
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: انتخابات بلدية اذنا   10/6/2010, 4:36 pm

اختي ميسون
color=darkred][/color]
color=darkred][/color] عندما قلت لك ان الانتخابات هي اوسخ لعبه اخترعت في الكون قلتها من باب الخبره والتجربه فهناك قصه حدثت معي شخصيآ .....
كنت في السنة الثالثه في الجامعه وكنا 16 شخص(شباب وصبايه) نشكل قروب بل اروع واجمل مجموعه تشكلت من طلاب نفس السنه في دائرة التربيه الرياضيه وهذا الكلام على لسان الاساتذه انفسهم.... في هذه المجموعه كانت الموده والمحبه والمعنى الحقيقي والرائع للصداقه .....الخ
وجائت انتخابات الكليه وتكشفت حقائق رهيبه ووووووالخ
لن اطيل وبعد الانتخابات وجدت نفسي وحيد اجلس بباب الدائره وفي عيني الــ16 وقد اخذ كل واحد منهم زاويه لا يكلم احدهم الآخر مع العلم انها لم تكن حزبيه في ذاك الوقت ولم تتدخل السياسه في تلك الانتخابات ...........
هذا بالمختصر الشديييييييييييييد
...............
ثالثآ اماني الله يحلي ايامك بس كيف يعني حلو من اي ناحيه ؟؟؟؟
بدي احكيلك شغله .... لا تفكري انو انا كثير متعصب او بنتمي لاي حزب متشدد او بمتلك عقليه متحجره او حتى متخلفه او او او .....الخ بالعكس انا شاب متلي متل اي شاب بالعالم بياكل وبيشرب وبينام وبيحلم وبتمنى وبفكر بالمستقبل وبيحاول يطور من نفسه وووووو
بس في بعض الكلام المستفز صراحه سمعته وبسمعه كتير وخاصة من بنات بلدنا عن امنياتهن في تغيير واقع البد
وحلمهن بانفتاح اذنا على العالم الخارجي واللي بيقهرك بزياده انو لما بتحكيلها هاتي يا ستي احكيلي كيف بدك تكون البلد وما هي طبيعة الانفتاح اللي بتطلبيها بتلاقيها ما بتعرف تحكي!!!!!!
طيب وين الانفتاح وعدم الرضا عن طبيعة البلد ووووووووووووووو
ناهيك عن محاولة التشكيك في العادات والتقاليد والابتعاد عن مبدأ الدين الاسلامي ووووووو
..........
طبعآ انا وجعتلك راسك واكيد انت هسا بتحكي شو وقعني هالوقعه... هههه
بس انا بحب تبادل وجهات النظر وسلامتك
والله من وراء القصد

_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: انتخابات بلدية اذنا   10/6/2010, 5:32 pm

يعني نساء بنات البلد محتاجات حقوق كثير يا اخ عنكبوت المرمى

يعني مثلا .

انو الرجال ما يتسلطو عليهم ويعاملوهم معاملة سيئة قد تصل للضرب من الاخوان او الاهل بصفة عامة,

انو البنت ما بترث الا بطلوع الزور

انو البنت ممنوع تدرس الي بدها اياه واذا درست ممنوع تشتغل الي بدها اياه

وكان زمان في انفتاح اكثر قبل ما يجي الدين السعودي من السعودية كان الاعراس تكون مختلطة هللا الاعراس زي عند البدو ما حد بشوف حد طيب كيف الواحد بدو يجوز ولا الواحد برضى على غيرو اشياء ما برضاها على خواتو! يعني الكل عندو عرض شو بدنا ناكل بعضنا بالعرس

بعدين ناهيك عن غصب البنت على الزواج بسن مبكرة يعني زواج الاطفال

وبالاخر اعتبار البنت عورة ووضع الشرف كله بها ونسيان شرف الرجل ايييييييييييييه شو بدي احكي لأحكي عن جد بدنا انفتاح بالبلاد وخاصة انفتاح مخاخ الناس

بعدين يا سيدي اخر شي كل واحد والو رأيو !بس بتوقع لازم كل واحد يحترم اراء الاخرين ويحاول يبين وجهة نظرو صح بدون تجريح!
الرجوع الى أعلى الصفحة اذهب الى الأسفل
belal abu jehiesheh



عدد الرسائل : 893
تاريخ الميلاد : 01/11/1986
العمر : 30
البلد / الدولة : فلسطين
تاريخ التسجيل : 20/11/2009

مُساهمةموضوع: رد: انتخابات بلدية اذنا   10/6/2010, 5:58 pm

كل الشكر والتقدير والاحترام لكي سيدتي ميسون على موضوعك القيم والرائع لانه هذا الموضوع حاليا متداول بين اهلي بلدتنا

بالنسبه لانتخابات انا شخصيا معاها وضضدها

معاها اذا كانت هذه الانتخابات نزيهه وتظم كل اهالي البلده دون تدخل السلطه فيها ودون حدوث اي مشكله مفتعله وان تكون هذه الانتخابات تظم الناس المتاعلمين وتكون عندهم الكفائه لكي يعملو على تطوير البلد ويعملو على الايتاء بكل شئ لمصلحه هذه البلد دون البحث عن الشهر وعن المصالح الشخصيه


وضضدها اذا كانت هذه الانتخابات تودي الى حدوث مشاكل في هذه البلد وتحرم اناس كثيرين من المشاركه فيها بحسب الامور الحزبيه وايضا ضضدها عدم جعل هذه البلديه لصالح عصابه معينه في هذه البلد التي تكون هذه العصابه لا احد لا يستطيع ان يحكي معاها نضرا لان في من يقفون ورائهم سواء من السلطه اوز اسرائيل


انا رائي ان يعملو على تصنيف اعضاء البلديه من كل البلده ومن كل العشائر وان ياخذو من كل عشيره واحد ويكون عندع الكفائه العاليه لدخول فيها والابتعاد ن الانتخابات لان هذا لا يصلح في هذه الايام

مشكوره ستي ميسون على موضوعك الرائعه وتقبلي مروري
الرجوع الى أعلى الصفحة اذهب الى الأسفل
عنكبوت المرمى



عدد الرسائل : 235
تاريخ الميلاد : 15/08/1985
العمر : 31
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: انتخابات بلدية اذنا   10/6/2010, 7:26 pm

بس سؤال صغير اخ ماير ؟؟؟؟ انت وين ساكن حاليآ؟؟؟
واللبيب بالاشارة يفهم
اي ضرب واي غصب واي واي؟؟!!! هاد الحكي في الهند ممكن بس مش في اذنا اولآ
ثانيآ قبل ما نفتح موضوع كبيييييير بدي اسألك انت
مسلم تعتنق الديانه الاسلامه ؟؟؟

وكان زمان في انفتاح اكثر قبل ما يجي الدين السعودي من السعودية كان الاعراس تكون مختلطة هللا الاعراس زي عند البدو ما حد بشوف حد طيب كيف الواحد بدو يجوز ولا الواحد برضى على غيرو اشياء ما برضاها على خواتو! يعني الكل عندو عرض شو بدنا ناكل بعضنا بالعرس
........


والله من وراء القصد

_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
رائد ابو اسعد



عدد الرسائل : 130
تاريخ الميلاد : 30/08/1986
العمر : 30
البلد / الدولة : فلسطين
تاريخ التسجيل : 29/03/2010

مُساهمةموضوع: رد: انتخابات بلدية اذنا   11/6/2010, 9:00 am



أمير المؤمنين هذا ، فإن مات فهذا ، ومن منكم أبى فله هذا "السيف" ؟!
سيدي .. انت دائما على صواب .. وإن أخطأت فخطئك صواب الصواب !
سيدي انت ابن عمي ودمك هو دمي .. انتخبك لأجل عمي وجدي وأمي !

نحن عشائريون حتى النخاع ... من اصغر العشائر في اذنا لأكبرها
نحن منافقون وكذابون .. ندعي العلم ونهتف للعلم ونتحدث باسم العلم
وفي ضمارنا عشيرة تحكمنا ... نحن قوم لا نحترم ذاتنا
نقدس الفوضى .. وننافق لاجلها
الرجوع الى أعلى الصفحة اذهب الى الأسفل
بلال طميزي



عدد الرسائل : 30
تاريخ الميلاد : 10/10/1989
العمر : 27
البلد / الدولة : الولايات المتحدة الاذناوية
تاريخ التسجيل : 16/01/2009

مُساهمةموضوع: الانتخابات   11/6/2010, 9:11 am

امنيح الي تأجلت الانتخابات حتى شعار اخر وبلكي يهدى الوضع . وتجري المياة في مجاريها .
وفي الاول وفي الاخر كلنا ابناء بلدة واحدة ووطن واحد وشعب واحد Surprised
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: انتخابات بلدية اذنا   11/6/2010, 9:20 am

انتو لازم تحاولو تخلو الانتخابات مخفية يعني ما حد بعرف مين انتخب مين وتجيبو ناس يفرزو يكون موثوق فيهم! ومفروض يطلع امر من البلدية او من الشرطة يمنع المشاكل بسبب الإنتخابات مثلا كاستبعاد الي بعمل هيك من الإنتخابات! ممنوع واحد يجبر واحد على انتخابو سهل الموضوع! يعني خلص ينحكى هالحكي بالجامع وبكل مكان وتتعلق يافطات وبستحو على دمهم المتخلفين!

عن جد كأنو بس بدنا انتخابات بالبلد ومين بدو ينتخب مين ما الكل ماكل هوا! وياريت بس ما تذبحو بعض ما انتو محتلين يعني اكبركم مدعوس عراسو

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: انتخابات بلدية اذنا   11/6/2010, 9:22 am

بتهئلي اهم شي يكون في سلطة تنفيذية زي شرطة او اي شي ثاني يعني سلطة حيادية موجودة قبل وبعد الانتخابات وتحاول تمشي الكلام عراس الكل وتأدب البشر وساعتها بتمشي الأمور هيك بتحكي الخبرة

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: انتخابات بلدية اذنا   11/6/2010, 9:36 am

لازم تحرجني يعني ساكن بغرفة ومنافعها!

يا اخ عنكبوت المرمى انا مسلم! ويمكن اكثر مما تتصور!

لكن لست مسعودا او خلينا نحكي متسعوِد وبعتبر دين البشر عنا اليوم مش الدين الإسلامي ولكن الدين السعودي!

اقرأ كتاب مذكرات تومسون اتوقع او اسمو جواسيس في الرمال مش عارف بالزبط شو اسمو بتعرف شو الفرق بين الإسلام والدين السعودي! او اكتب محمد ابن عبد الوهاب وال سعود بقوقل

وبعدين وين ما في مضايقات للبنات عنا بالبلد يالله عاد بدي اسألك سؤال شو بعمل الواحد لو اختو كان عندها اي علاقة مع اي انسان خلينا نحكي من البلد!(علاقة حب مثلا)حط حالك محل هالحد وجاوب على السؤال!

والبنات ما بتعرضو للضرب من اخوانهم هاد حكي مش صحيح اسمحلي انا بنفسي بعرف هالشي وبعرف كل يوم قصة جديدة ومن البلد كمان يعني شو ما كلنا عارفين شو بتنكر ليش!

وبالنسبة للارغام على الزواج المبكر مجرد الطلب من البنت انها تتزوج مبكر بكون ارغام لنو ما فيها تحكي لا لنو اصلا ما فيها تفكر لنو لسسا طفلة وهالحكي بصير وخاصة عند عائلات معينة لست بصدد التطرق لها

وفي شي ما بتعرف اكثر بنات البلد مريضات نفسيا بسبب المعاملة ا لزفت من الاهل مقارنة بمعالمة الصبيان على فيك تاخد هالمثال:

لما تنولد مرات بعصبو وبعملو مناحة ولحد هللا بصير هالحكي ما تحكي لا
الولد لو كان اصغر منها بعشر سنين بمشي كلامو عليها ههههه
الملابس مش لازم تكون كويسة للبنت
مصروف البنت يا اقل بكثير من الولد يا ولا شي
اذا مرضت البنت في ناس حتى ما بودوها على الدكتور لنو مش مهم
المدرسة مش مهم للبنت
الشب اذا زبط بنت بديش احكي حب الكل بفتخر في
اذا البنت حبت بتعمل جريمة
يعني شو بدي احكيلك تخلف الله يبعدنا عنو
الرجوع الى أعلى الصفحة اذهب الى الأسفل
اماني اطميزي



عدد الرسائل : 16
تاريخ الميلاد : 27/02/1989
العمر : 27
البلد / الدولة : بلاد الله الواسعة
تاريخ التسجيل : 22/05/2010

مُساهمةموضوع: رد: انتخابات بلدية اذنا   15/6/2010, 9:34 am

بصراحة يا ماير بطلت الشغلات اللي انت بتحكي عنها يعني هسا البنت ما بتتزوج الا برضاها يعني نادرا ما اسمع انو في بنت من اذنا اتزوجت مغصوبة على العريس وبالنسبة للميراث في ناس اكثير بيعطو البنات حقهم بس غي الاخر ما ننسا انو لكل قاعدة شواذ يعني في ناس ما بيعطو انا معك بس هذول قلة
وبالنسبة لتدريس البنات فمن زمان اتغير البنت الحين بتدرس وين ما بدها والتخصص اللي بدها اياة
واكبر مثال انا ما بدرس بالخليل
وما بروح ع اذنا الا كل فصل اول كل شهر
وبدرس التخصص اللي انا اخترتو (علم نفس)
اما بالنسبة الك اخ عنكبوت المرمى فانت محق في كلامك وانا ولا مرة راح احكي شو اللي وقعني بهالورطة هههههههههههه
انت محق بالنسبة للبنات اللي يوم نسألهن عن النفتاح والتغير اللي بطالبن فيه وما بيعرفن يجاوبن هاد لانا كل الشباب على اختلاف الجنس بسبب التطور والمحطات الفضائية والنت ..... بنسمع بكلم الانتفتاح اكثير بس للاسف ما بنعرف معناها وبنطالب فيها عن غباء دون الادراك لما تنطوي عليه هذة الكلمة من امور
مشكور اكثير
بس كلمة اخيرة لمايير يازلمة ما تستاء وما تخجل انك ساكن بغرفة
الغرفة احسن من الشارع
هههههههههههههههههه
الرجوع الى أعلى الصفحة اذهب الى الأسفل
عنكبوت المرمى



عدد الرسائل : 235
تاريخ الميلاد : 15/08/1985
العمر : 31
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: انتخابات بلدية اذنا   22/6/2010, 11:22 pm

اخي ماير .... انا اكاد ان اجزم انك تعيش في العصر الحجري بذكرياتك المأسوره في غرفتك !!!!
اعذرني اخ ماير فانت لا تعرف شيء عن الدين السعودي قط وانت مخطئ كل الخطأ فنحن ابدآ لا نتبع الدين السعودي كما تلقبه انت
انا من مواليد السعوديه وعشت فيها الكثير واعرف الدين السعودي جيدآ فمن هنا اقول لك انه لا يوجد اي وجه شبه بين ما نطبقهه في بلادنا وما يطبق لدى الوهابيين
مثال بسيييييييط في الدين السعودي لبس بنطالون الجينز للرجال حرااام؟؟؟؟؟؟!!!!!!!!!؟!!
.........
اماني
مشكوووره على كلامك المشجع .... اما بالنسبه لتخصصك فانا جدآ احب علم النفس وكان احد احلامي ان اكمل دراستي الجامعيه (ماستر) تخصص علم نفس
اهنؤكي على اختيارك المميز واتمنى لك التقدم والازدهار
احترامي للجميع

_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
رائد ابو اسعد



عدد الرسائل : 130
تاريخ الميلاد : 30/08/1986
العمر : 30
البلد / الدولة : فلسطين
تاريخ التسجيل : 29/03/2010

مُساهمةموضوع: رد: انتخابات بلدية اذنا   23/6/2010, 8:45 am

عم جميل الدنيا الصبح الله يصبحك بالخير
اولا يا صديقي لفظ وهابيه مش غلط
ثاني اشي ... الوهابيه لفظ بيستعمله الشيعه .. لانه محمد بن عبد الوهاب صاحب جماعة الوهابيون هو من اطلقها على ما اعتقد في القرن الثامن عشر ميلادي لمحاربة الشيعه وخرافات الشيعه وهو اول من حطم شواهد القبور لانه فيها تشبه بالمسيحين ( كانت الوهابيه متعصبه )
لكن هم اهل السنه والجماعه يعني هم على سنة سيد الخلق محمد .!
غير هيك يا عنكبوت المرمى ... يا رجل ما فيه دين سعودي ولا دين مصري
كلنا ع اتباع دين محمد ... يعني يا سيد ماير انت وعنكبوت على شو بتتفلسفو ع السعوديه ؟!
ما احنا الفلسطينيه بنسب وبنشتم ربنا على ورقة شدة ؟.
على قص كوبي بنسب ربنا ؟؟؟؟!!
وين الدين الي عنا ... اغلبية المشايخ الي في الفضائيات سعوديون ؟!
اغلب نسخ الصوتيتات للقرأن الكريم نسخ سعوديه
اكثر المتبرعين وداعمين للقضيه مشايخ سعوديين !
سيبك من الحكومة السعوديه والنخبه الفاسده بالسعوديه
يا عمي الشعب مسكين مثلنا مثله ..
احنا بس صرنا اذا بدنا نحكي بالدين نحكي ع السعوديه .. !
انا لو مش على الانترنت بحكيلك عن دينا احنا .. ؟؟
وعن بدعنا وبدع اجدادنا
تحياتي
الرجوع الى أعلى الصفحة اذهب الى الأسفل
عنكبوت المرمى



عدد الرسائل : 235
تاريخ الميلاد : 15/08/1985
العمر : 31
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: انتخابات بلدية اذنا   23/6/2010, 10:46 pm

اذا انت عندك صبح انا عندي مسى .... فالله يمسيك بالخير يا رائد
بصراحه يا رائد انت لا تعلم شيء عن الدين السعودي لذلك رجاء من صديق ما تحكي فيه انا عشت في السعوديه وبعرفه منيييييييييييح ومش قله اللي بيتبعوه في السعوديه بل الاكثريه وهو متشدد جدآ جدآ وفوق ما تتصور
........
وسيبنا من قصصك وحكاويك هسا وقولي شو قصة المبادره في بلدنا اليوم بيعلقوا في اعلام المبادره وشعاراتها ؟؟؟؟؟

_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
رائد ابو اسعد



عدد الرسائل : 130
تاريخ الميلاد : 30/08/1986
العمر : 30
البلد / الدولة : فلسطين
تاريخ التسجيل : 29/03/2010

مُساهمةموضوع: رد: انتخابات بلدية اذنا   24/6/2010, 8:29 am

يا سيدي هي مش قصص هي حقيقه
الوهابيه بنظر الشيعه هم جماعة كافرة او متشدده وضدهم . اذا احنا بنردد كلام غيرنا واحنا مش عارفين هي مشكلتنا .. !
وبالنسبه للعيشه بالسعوديه .. يعني انت بنظرك لازم اعيش بالسعوديه عشان اعرف عنها
يمكن انت بتعرف اكثر مني .. مش غلط
بس برضو الي حكيتو انا عن الوهابيه بالذات ما بيخرج عن واقعيته !
ههههههه وبخصوص المبادرة انا لازم اشوفك بالقهوه عشان تعزمني ع كاسة قهوه كبيرة وبعدين بحكيلك قصة الزير سالم
هههههه احلى جميل
الرجوع الى أعلى الصفحة اذهب الى الأسفل
عنكبوت المرمى



عدد الرسائل : 235
تاريخ الميلاد : 15/08/1985
العمر : 31
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: انتخابات بلدية اذنا   24/6/2010, 2:16 pm

ولو يا رائد انت عندي بكاسة قهوه بس
يا رجال اطلب واتمنى كمان .... بس ان شاء الله اشوفك
والله مشتاق لقعداتك يا حج والله يرحم ايام السكنات
ههههه

_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
ميسون سليمان



عدد الرسائل : 742
تاريخ الميلاد : 24/01/1965
العمر : 51
البلد / الدولة : فلسطين بلدة اذنا محافظة الخليل
تاريخ التسجيل : 07/08/2009

مُساهمةموضوع: رد: انتخابات بلدية اذنا   15/3/2011, 12:57 am

شكرا لكم جميعامشاركاتكم اسعدتني ....
كم هو جميل الإنتقاد البناء الرصين الواعي البعيد العشوائية فشكراً لكل.....

_________________
وفي قلوبنا جهنم حمرا

إذا عطشنا نعصر الصخرا

ونأكل التراب إن جعنا .. ولا نرحل

وبالدم الزكي لا نبخل .. لا نبخل .. لا نبخل

هنا .. لنا ماض .. وحاضر .. ومستقبل
الرجوع الى أعلى الصفحة اذهب الى الأسفل
 
انتخابات بلدية اذنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بلدة اذنا :: الفئة الأولى :: مواضيع للنقاش-
انتقل الى: