منتدى بلدة اذنا

منتدى بلدة اذنا

منتدى بلدة اذنا
 
الرئيسيةاليوميةالبوابةس .و .جبحـثالتسجيلدخول

شاطر | 
 

 الانتخابات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: الانتخابات   21/4/2010, 3:24 pm

بلغني من احد الأصدقاء ان فتح فازت بكل انتخابات الجامعات في فلسطين او خلينا نحكي فازت وستفوز عن قريب!

لما سألتو هل كان في تزوير بالانتخابات اجابني لا !

كان جوابي طيب شو حارق بصلتك!!!!! الناس اختاروها خلص معناتو الامور شرعية وهاي رغبة الطلاب! فأجابني مهو ممنوع حماس تشارك!!!!!!!!!

فكرت شوي وعرفت انو احنا شعب فشل فشلاً ذريعا وسلب حريته بنفسه! لنو منع اي حزب من المشاركة بالانتخابات يعتبر ضد مبادئ الحرية والديمقراطية العالمية! هيك بتنص مبادئ الديمقراطية وهيك بتعمل كل الدول حتى انو المانيا بتسمح للحزب النازي بالمشاركة! وهو حزب نازي!

فكرت انو منع اي حزب من المشاركة يعتبر كمنع كل الأحزاب بشكل او باخر! فتعجبت كيف الاحزاب الأخرى بتشارك وتأكدت انها احزاب فاشلة !

طبعا ما بعرف اذا حماس بتعمل هيك بدولتها بغزة! بس اكيد في مضايقات ومنع كمان!بس خلاصة الموضوع : شو رأيكو بمدى خطورة هذه المشكلة على مستقبل الحرية في فلسطين بشكل خاص وعلى مستقبل فلسطين بشكل عام!

_________________
فيش توقيع شطبنا يالله توكل بدنا نرش


عدل سابقا من قبل Mayer في 21/4/2010, 10:52 pm عدل 2 مرات
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: الانتخابات   21/4/2010, 8:28 pm

شو يا جماعة ما حد بدو يشارك بهالنقاش على الأقل قولو رأيكو خايفين من شي بس على العموم مهما كان بضل عرفتو الورطة الي دخلت فيها فلسطين!


وانا من رأيي بهالموضوع انو الحرية شئ مفروض ما حد يمسو وما بدنا نصير دولة حزب زي العراق بزمناتو او الدول العربية حاليا لنو هيك بنكون ضيعنا حلمنا بالحرية واستبدلنا اسرائيل بسلطة تكسر ضهورنا مفروض الشعب الفلسطيني ما يسمح بهيك اشياء!

حاليا ما حاس حد بالمشكلة بس تأكدو هيك بتبدأ الدكتاتورية وتأكدو انو رح يصير اكثركو ملاحقين حتى من المحسوبين على النظام الحالي! ما رح يكون في الا السجون لكل من يفتح تمو بالمستقبل! 

بغض النظر مين الي بفرض حالو على الشعب وبمنع الحرية سواء حماس او فتح او اي حزب اخر! بكون صار دكتاتور وقمع الشعب والي برضى ينقمع بنقمع اكثر واكثر وبتحول لعبد للنظام! هيك ما رح يكون في عدل ولا نهضة بيوم من الأيام لنو رح يكون في فصيل متحكم متجبر وحرامي!

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
شعاع القمر



عدد الرسائل : 93
تاريخ الميلاد : 15/03/1989
العمر : 27
البلد / الدولة : فلسطين
تاريخ التسجيل : 24/12/2009

مُساهمةموضوع: رد: الانتخابات   21/4/2010, 8:42 pm

انا ما بعرف شو احكيلك بس المؤكد انو الانتخابات بتكون نزيهه يعني
وهاد بيكون باراده الطلاب
يعني ما بيكونو مضروبين على ايدهم ليروحو ينتخبه الشبيبه او غيرها
لانو الطالب بنهايه بينتخب الي بيدعمو مو الي بيحترم مبادئو لانو انا طالب ويمكن انته طالب والكل هون طلاب وبنعرف هشي
يعني لو كان مو حزب شيوعي حزب كافر لا يعرف الله ورسوله بيساعدنا رح نتجهلو عشان هيك الكل بيتجه لشبيبه
اما بخصوص تغيب حماس فهاد شي مو بارادت الطلاب يعني هاد شي سياسي ما النا دخل في ...................................... الخ
الرجوع الى أعلى الصفحة اذهب الى الأسفل
عنكبوت المرمى



عدد الرسائل : 235
تاريخ الميلاد : 15/08/1985
العمر : 31
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: الانتخابات   21/4/2010, 10:14 pm

اولا حسبي الله ونعم الوكيل
ثانيآ يا شعاع القمر كلامك مش منطقي ابدآ
قال شو لو كان الحزب كافر بيساعدنا رح نتوجهلو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني هيك حياتنا كلها صارة دمار اذا انا بدي اتخلى عن مبادئي وديني علشان مصلحتي .... سلطه
...................
اما بالنسبه لانتخابات الجامعه اخي ماير فكلوا بيركض ورا الكرسي كان شبيبه ولا كتله ولا كلو
والمستفيد بالنهايه المرشحين واعوانهم يعني كم واحد بس
وباقي الطلاب بيركضو ورا كرت تلفون وسلامتك والسلطه
....................
انا بالنسبه الي درسة اربع سنين بالجامعه ما انتخبت ولا مره ..

_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
vala



عدد الرسائل : 2780
تاريخ الميلاد : 15/05/1920
العمر : 96
البلد / الدولة : الدوحه-قطر
تاريخ التسجيل : 13/05/2009

مُساهمةموضوع: رد: الانتخابات   21/4/2010, 10:46 pm

ماير انت كنت ماشي صح بطرحك للموضوع ولكن لماذا الأساءة لمن ليس طرف بالمشكله التي تطرحها وهو الحزب الشيوعي الفلسطيني شو نطط الحزب بين فتح وحماس ؟؟؟؟؟؟؟؟؟؟ ولا الموضوع عندك فقط استفزاز الحزب الشيوعي الفلسطيني وعلى حد علمي ليس طرف لماذا تقحمه واذا اردت اللوم للمشاركه فالجبهة الشبيه والديمقراطيه وكل الفصائل شاركت لماذا خصصت ؟؟؟؟

_________________
[i]من شدة حبي لبلادي
لا افنى واموت
لكن اتجدد............
دوماً اتجدد!!!!
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: الانتخابات   21/4/2010, 10:54 pm

هي شلت الإستفزاز يا فالا! بس عشان ما الهم مخالب تعديت عليهم ههههههه! بس معك حق انا بتأسف على اني ذكرتهم بسوء!

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: الانتخابات   21/4/2010, 11:06 pm

شكرا على تعليقك الصريح والشفاف يا شعاع القمر!

بالنسبة للموضوع انا لم اعني لماذا نختارهم لأنو هاد حق كل انسان يختار ما حد بامكانو يحكيلو ليش سواء انتفع ماديا ام لا! وانما اعني كيف ندخل انتخابات غير شرعية! اي انني اعني اذا كانت هناك احزاب ممنوعة من الإنتخابات فما الفائدة من الإنتخابات اصلاً! يعني اليوم بتنتخبو بكرة بكون الورق مطبوع وخالص لنو الأنتخابات هاي صورية!

شكراً عنكبوت المرمى على المداخلة الطيبة! وانا ما بعتبر هاي مبادئ بس! انا بعتبرها مستقبل للبلد كامل بغض النظر مين الحزب الممنوع يعني بغزة بقول العكس! هاي الحرية ما بنلعب فيها لنو مستقبل البلد مبني على هالأسس!

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
رائد ابو اسعد



عدد الرسائل : 130
تاريخ الميلاد : 30/08/1986
العمر : 30
البلد / الدولة : فلسطين
تاريخ التسجيل : 29/03/2010

مُساهمةموضوع: رد: الانتخابات   22/4/2010, 11:25 am

السلام عليكم

بداية ... اعتقد انه حماس هي رفضت المشاركه بانتخابات مجالس الطلبه
رفضها طبعا يا اما لانها بتعرف رح تخسر .. او لانها بتتعرض لمضايقات من قبل السلطه !
غير هيك يا صديقي .. هاي الديمقراطيه بس على الطريقه الفلسطينيه
بالنهاية حماس حره تشارك او ما تشارك .. لكن انت بتقدر تناقش بموضوع عدم المشاركه
كيف ولماذا ؟
لانه الديمقراطيه بتتضمن حكم الاغلبيه مع احترام حقوق الاقليله
على فرض انه فتح الاغلبيه وحماس اقليه .. حماس من حقها تعترض وفتح من حقها تحترم رائي
سواء بالمشاركه او عدم المشاركه .. وكلامي بينطبق على الوضع بغزه بالنسبه لسيطرة حماس !

..
بخصوص كلامك عن سيطرة النظام مستقبلا او انه تتقلص الديمقراطيه عندنا
انا بدي اعرف وين الديمقراطيه الي عندنا ..
خليني اكون معك صريح .. بـ سنة 1996 لما صارت الانتخابات التشريعيه والرئاسية الفلسطينيه
وجدوا الناس الصنادين مرمية ومتروكه باطراف البلد بمناطق خاليه ومفتوحه طبعا
يعني ما وصلت مراكز الفرز .
غير هيك انت نسيت انه احنا دوله تحت الاحتلال ... كل شيء عندنا ناقص
من مفاهيم الديمقراطيه للحريه للمشاركة السياسيه .. اصلا ما صار عندنا فرصه مناسبه لنختبر ديمقراطيتنا ... مع انه انا ضد الحكم الديمقراطي بالمفهوم الي بتعرفوه
بالنهايه احنا بوضع غير طبيعي انقسام وحصار وتشتت سياسي واجتماعي وفرقة ما مرينا فيها من قبل
تحياتي
الرجوع الى أعلى الصفحة اذهب الى الأسفل
عابر سبيل



عدد الرسائل : 396
تاريخ الميلاد : 20/06/1984
العمر : 32
البلد / الدولة : فلسطيني
تاريخ التسجيل : 10/09/2009

مُساهمةموضوع: رد: الانتخابات   22/4/2010, 12:22 pm

لا لا لا لا هيك الموضوع صار كبير أنا أسف بس مين فتح و حماس والجبهة والشيوعيه ووو فوزهم عبث
إذا فازت فتح في أي شي معناتو فساد زاد أما حماس فضعف و تخبيص أكثر بالنسبه للجبهة فكلام أكثر والشيوعيه فيعني صمت أكبر.
والشعب بدو خيار ثاني أي حتى لو كان حزب الحمير. المختصر كل الاحزاب الفلسطينيه اثبتت فشلها بقوة.
والانتخابات في هيك ظروف سواء كانت مزورة أو لا فمفيش فرق.

تحياتي
الرجوع الى أعلى الصفحة اذهب الى الأسفل
ميسون سليمان



عدد الرسائل : 742
تاريخ الميلاد : 24/01/1965
العمر : 51
البلد / الدولة : فلسطين بلدة اذنا محافظة الخليل
تاريخ التسجيل : 07/08/2009

مُساهمةموضوع: رد: الانتخابات   22/4/2010, 11:29 pm



انا ارى ان الانتخابات الطلابية لمجالس طلبة الجامعات بتخضع للوضعين السياسي والتنظيمي الحزبي في منطقتي الضفة حيث ان السيطرة فيها حاليآ لحركة فتح بينما السيطرة في قطاع غزة لحركة حماس ..........
ولكن بالتأكيد سيد ماير بتكون في ظل هيمنة حركة فتح على الوضع السياسي والاداري والحكومي وعلى الاجهزة الرسمية والامنية غير المتعاطفة مع حركة حماس،من المؤكد لو شاركت حركتا حماس و الجهاد الاسلامي في انتخابات جامعة بيرزيت لتوفرت للشعب أداة للقياس حول اتجاهات الرأي العام الفلسطيني ,لأن الجامعات بتعكس دائماً صورة عن الوضع الفلسطيني العام،فيا اخ ماير انا معك ان اجراء انتخابات وسط هذه الاجواء الغير الديمقراطية، ابدآ لن تكن نزية وبتصور من اجل اجراء انتخابات دمقراطية يجب أن يسبقه ويرافقه تركيز جدي على انهاء الانقسام، حتى تكون الانتخابات عندما تجري فرصة لتوحيد الشعب الفلسطيني وليس مدخلا لزيادة انقسامه.
اما عن شو رأينا بمدى خطورة هذه المشكلة على مستقبل الحرية في فلسطين بشكل خاص وعلى مستقبل فلسطين بشكل عام!
نحن شعب محتل والحرية سلبت منا من اكثر من 62سنة وبتصور ان مشكلة الأنتخابات هاي هي ياريت تكون المشكلة الخطيرة الأولى في حيتنا .....
وعلى رأي الاخ رائد ابو اسعد بالنهايه احنا بوضع غير طبيعي وانقسام وحصار وتشتت سياسي واجتماعي .....
كل الشكر لك سيد ماير على موضوعك القيم ....

_________________
وفي قلوبنا جهنم حمرا

إذا عطشنا نعصر الصخرا

ونأكل التراب إن جعنا .. ولا نرحل

وبالدم الزكي لا نبخل .. لا نبخل .. لا نبخل

هنا .. لنا ماض .. وحاضر .. ومستقبل


عدل سابقا من قبل ميسون سليمان في 22/4/2010, 11:45 pm عدل 1 مرات
الرجوع الى أعلى الصفحة اذهب الى الأسفل
لينا



عدد الرسائل : 79
تاريخ الميلاد : 03/06/1977
العمر : 39
البلد / الدولة : الاردن
تاريخ التسجيل : 21/04/2010

مُساهمةموضوع: رد: الانتخابات   22/4/2010, 11:37 pm


في انتخابات الجامعات نجحت الشبيبه لعدت اسباب ومن هذه الاسباب ان الشبيبه تتبناها السلطة الفلسطينيه وقد عملت بكل قواها لكي تنجح الشبيبه

هذا بالاضافه الى ان ادارات معظم الجامعات الفلسطينيه تابعه لفتح وكما تعلمون ان الحال في فلسطين ومؤسساتها كما هو الحال في باقي الدول العربيه تحكمها انظمة ابعد ما تكون عن الديمقراطيه

والسبب الاقوى هو غياب حماس عن الانتخابات وهي الحركه التي تعتبر المنافس الاكبر لفتح وانا اجزم بان سبب غيابها هو تعرضهم لمضايقات قويه من السلطه الفلسطينيه


وبالنسبه لما طرحته الاخت شعاع القمر ان الطلاب يتجهون نحو مصالحهم انا اؤكد ان هذا لا يمكن ان يكون تعميم فهذه الشريحه من الناس موجوده لكن ليس الجميع هكذا والدليل ان المبادرة الفلسطينيه في جامعة الخليل رصدت ميزانيه بمقدار 40000 الف دولار لتمويل الحمله الانتخابيه وهو رقم كبير بالنسبه لانتخابات جامعه ومع ذلك لم تحصل المبادره الا على سبع مقاعد
بالرغم من الاغراءات الماديه التي قدموها للطلبه


ومن اسباب نجاح الشبيبه هو فشل اليسار في الضفه فمن المؤسف ان تحصد الشبيبه في جامعة بير زيت ثلاثون مقعدا في حين يحصل اليسار باكمله على احدى عشر مقعدا على ما اعتقد

فاين هو هذا اليسار ولماذا هذا الغياب لدور اليسار في دوله لها قضيه ؟؟؟؟؟؟؟؟؟؟؟؟؟؟؟؟؟؟

وفي النهايه شكرا جزيلا لك اخ ماير
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: الانتخابات   23/4/2010, 11:35 am

شكراً جزيلا يا لينا على المشاركة المميزة! وشكرا للمعلومات الي اعطيتينا اياها ما كنت بعرف انو كل هالاموال بتنصرف على انتخابات الجامعات!

طبعا الأسباب لفوز هذا الفصيل الآن واضحة لكن انا كان بدي بالموضوع انو نحكي بتأثير الدكتاتورية على مستقبل فلسطين وشو بتتوقعو يصير بالمستقبل بعد ما ضربت الأحزاب حرية الشعب بعرض الحائط!

ياريت الأحزاب الثانية عرفت انو اذا اليوم هذا الحزب انمنع احنا بكره بننمنع سواء بالضفة او بغزة

بدي كنت اعرف هل الناس خائفة على حريتها ام انها تعتبر انه لا يوجد حرية هيك ولا هيك وليش بدنا نكون احسن من الي حوالينا! ساعتها اذا الناس بكونو راضيين فالقناعة كنز لا يفنى!

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
salma



عدد الرسائل : 732
تاريخ الميلاد : 30/12/1986
العمر : 29
البلد / الدولة : فلسطين
تاريخ التسجيل : 06/10/2009

مُساهمةموضوع: رد: الانتخابات   23/4/2010, 2:38 pm

كيف يمكن لحماس المضطهدة والمطاردة من قبل السلطة ان تشترك في الانتخابات وحتى لو اشتركت فاملها ضئيل في النجاح
وعلى راي اخي عابر سواء كانت الانتخابات نزيهة ام لا ما في فايدة منها

_________________
مجــرمٌ قالــوا لأنــي .... أرفــض الـذل الكبيـر
أرفض العيش بصمت .... ضمّـــه القهر المريـر

الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: الانتخابات   23/4/2010, 6:32 pm

شكرا رائد على الكلام المنطقي وفعلا احنا ما عنا ديمقراطية بس بتوقع كان عنا حرية اكثر من هالهيوم! وانا بتوقع انو الديمقراطية اسسها مش موجودة عند الشعب اصلا ليختارو لنهم ما بختارو عن وعي ولو حالو يغيرو الي اختارو المررة الماضية مش رح يقدرو لنو لازم يختارو نفس الحزب كل مررة وبعدين ما في دستور يحفظ حق الأقليات عشان هيك كلامك صح مية بالمية!

شكرا ست ميسون على المشاركة! وفعلا فتح مسيطرة على كل شي بالضفة لكن حماس كمان بغزة وعشان هيك اصلا ما في مستقبل لفلسطين لنو هاي دكتاتورية ! يعني رح نصير او صرنا بلد محسوبيات وواسطات واتاوي ورشاوي! مافي حق لأي حد غير حاشية النظام! وبهاي الطريقة عمرو ما رح يصير في ديمقراطية لنو النظام ما رح يسمح فيها وكمان عمرو ما رح يصير في ازدهار لنو مين بيجي يعمل شي بدولة كلها رشاوي وفساد مين بدو يستثمر ببلد ما فيها امن الا للنظام!

شكرا عابر سبيل ومعك حق هالإنتخابات مالها داعي ههههههه!

وشكرا يا سلمى مرورك على الموضوع اسعدني جداً

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
رائد ابو اسعد



عدد الرسائل : 130
تاريخ الميلاد : 30/08/1986
العمر : 30
البلد / الدولة : فلسطين
تاريخ التسجيل : 29/03/2010

مُساهمةموضوع: رد: الانتخابات   24/4/2010, 4:11 pm

عفوا يا جماعه
تعليقا على كلام الست لينا

بأنه (والدليل ان المبادرة الفلسطينيه في جامعة الخليل رصدت ميزانيه بمقدار 40000 الف دولار لتمويل الحمله الانتخابيه وهو رقم كبير بالنسبه لانتخابات جامعه ومع ذلك لم تحصل المبادره الا على سبع مقاعد
بالرغم من الاغراءات الماديه التي قدموها للطلبه )

اولا هالكلام غير صحيح .. ومفبرك
بتقدري تحكي انه اشاعات احنا تعودنا على تصديقها
انا كنت عضو مجلس اتحاد طلبه بجامعة القدس ابو ديس عن تجمع المبادرة الطلابي ( المبادرة الوطنية الفلسطينيه )
ومعروف انه ابو ديس كجامعة وطلاب اكبر من جامعة الخليل .. كنا بالحملات الانتخابيه لسنة 2006 و 2007 و2008 و2009 ما نصرف ربع هالمبلغ او اقل بكثير
انتي بتحكي عن اربعين الف دولار ... لو حولناهم بالشيكل بيوصلو 145 الف شيكل تقريبا !
يعني منطقيا هيك مبلغ كبير جدا ... انا بتوقع هيك حملة بجامعة الخليل ميزانية المبادرة لا تتعدى العشرين الف شيكل ... بينما ميزانية فتح وغير فتح نفس الرقم بس بالدولار !
بس بحب احكي لسيادتك .. انه الحكي على المبادرة انه حزب بيدفع او هيك شي حكي فاضي وغير سليم ... والساذج الي بيقتنع بهيك ارقام
انا بتمنى منك تحرجيني وتجيبي الدليل على كلامك ، انه ميزانية المبادرة بجامعة الخليل اربعين الف دولار !!!!
بتمنى ما تتهمي الناس جزافا .. انتي بمكان عام وكلامك محاسبه عليه
بستنى بدليلك او مصدرك ؟
للاسف احنا شعب تعودنا نضحك ع حالنا ونصدق حكينا الفاضي
تحياتي
الرجوع الى أعلى الصفحة اذهب الى الأسفل
لينا



عدد الرسائل : 79
تاريخ الميلاد : 03/06/1977
العمر : 39
البلد / الدولة : الاردن
تاريخ التسجيل : 21/04/2010

مُساهمةموضوع: رد: الانتخابات   24/4/2010, 5:30 pm

تعليقا على كلامك سيد رائد

انا لم اقصد الاساءه للمبادره ولم اقصد من ذكر هذا المبلغ سوى ذكر مثال على الوضع الحالي


اما عن مصدر هذا الرقم فهو احد مسؤولين هذه الحملة الانتخابيه للمبادره


ولك انت تتحقق مما قلت من احد مسؤولي المبادرة في اذنا


ورجاء اخي لا اريد ان تدخلني انت او غيرك في سجالات مع اي طرف فهذا منتدى ديمقراطي ولا احد يستطيع ان يمنع احد من اعطاء رأيه


فأنا عندما قلت رأيي بالموضوع لم اخص المبادره في حديثي بل تحدثت عن جميع الفصائل


تحياتي
الرجوع الى أعلى الصفحة اذهب الى الأسفل
avatar



عدد الرسائل : 8
تاريخ الميلاد : 16/05/1973
العمر : 43
البلد / الدولة : USA, NY
تاريخ التسجيل : 09/04/2010

مُساهمةموضوع: رد: الانتخابات   24/4/2010, 7:40 pm

اسمحولي بالمشاركه

انا المستغرب منو ليش اصلا بعملو انتخابات بالجامعه

احنا كنا نعمل انتخابات ايام الجامعه و مش متذكر انو في اشي بعملوه المنتخبين

انا بعرف انو الفايزين بالاتخابات بوخذو فلوس عشان يعملو انشطه و اعتقد انو بصرفوها على حالهم (بسرقوها) زي ما حكالي مره واحد من الي تم انتخابهم بجامعة الخليل (من فتح طبعا) حكالي و هو مبسوط "اخذنا الفلوس و وزعناها على حالنا و ما اعملنا اشي"
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: الانتخابات   24/4/2010, 9:05 pm

سيد رائد الأخت لينا جابت مثال ولا اتوقع انها قصدت تخريب سمعة المبادرة الفلسطينة!

واذا هي سمعت هالحكي من اي انسان ونقلتو فهاذا شئ عادي! يعني شوف الإسلام والقرآن الكريم تم تناقلهم بالألسنة!!!! وهيك الأخبار بتنتقل بكل العالم مش بس عنا يا سيد رائد وما خفي كان اعظم !!!!!!!!!!!!!!

انت فيك ترد انه هاذا الكلام مش صحيح! وطلبك لإعطاء دليل صحيح!

لكن ما فيك تحكي انها محاسبة على هالكلام لنو المبادرة الفلسطينة بتوقع تنظيم عام مش خاص! يعني اذا مابدك حد يحكي عنو تحولو لتنظيم خاص واختفو ما حد بشوفكو ساعتها ما حد بحكي عنكو! انا متأكد انك ما قصدت بهالكلام الكثير ومتأكد انو بس حاولت تدافع عن المبادرة الفلسطينية وهذا حقك! طبعاً انا بخمن هيك لمعرفتي فيك من مواضيعك انك فهمان بالديمقارطية وانك من اصحاب العقول المتفتحة !بس كلمة محاسبة على الكلام فيها نوع من التهديد ومنع حرية الرأي وهاد متناقض مع مبادئ المنتدى!

بس لسسا فيك انت كمان تجيبلنا دليل عن كمية الأموال الي بتتخصص للإنتخابات من قبل المباردة الفلسطينة بالجامعات! وبهيك بنتهي الموضوع! شكرا للجميع

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: الانتخابات   25/4/2010, 12:25 pm

شكراً AVATAR على المشاركة واهلا وسهلا بيك بالمنتدى !وفعلا سؤالك بمحلو ليش انتخابات الجامعة ! طبعا بكل العالم الها فوائد كثيرة! بس عنا بفلسطين ماذا يفعل المنتخبون بعد ان يتم انتخابهم ؟

سيد AVATAR ياريت ما حد يذكر الأحزاب مهما كانت لنو بدناش ينجر النقاش لنقاش عقيم! يعني كويس انك جبت المعلومة بس ياريت ما تذكر حزب بعينه! شكرا الك

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
رائد ابو اسعد



عدد الرسائل : 130
تاريخ الميلاد : 30/08/1986
العمر : 30
البلد / الدولة : فلسطين
تاريخ التسجيل : 29/03/2010

مُساهمةموضوع: رد: الانتخابات   25/4/2010, 1:19 pm

سيدي العزيز ماير
تجاوزا عن كلام الاخت لينا ... ولكن لاظهار بعض الامور
اولا الديمقراطيه لا تعني ان نتهم الاخرين بغير دليل
ولا تعني ايضا ان يكون كلامنا جزافا ثم نطالب من نتهمهم بالدليل
انت قلبت المنطق ... لدينا نحن المسلمين مبدء واضح وسليم ... ان (البينه على من ادعى )
هي ادعت ان ميزانية انتخابات المبادرة فاقت الـ 40000 دولار ... لذلك وجب عليها ان تبرهن على كلامها .
غير ذلك .. انا لا ادفاع عن المبادرة من باب الدفاع فقط .. ولا اكترث ان كانت مدانه او غير ذلك
نحن هنا نكمل بعضنا البعض .. انت تنشر موضوع .. انا اعلق عليه .. اقول رأئي .. اختلف معك ام اتفق .. هذه ديمقراطيه .. لكن ان اتهمك او اثبت سلبيتك بغير دليل هذه ليست ديمقراطيه !
الديمقراطيه تضمن التعبير عن الرأي في حدود الحريات العامه .. كما يقولون تبدء حريتك عندما تنتهي حرية الاخرين !
اما بخصوص المحاسبه .. انا لا احاسب احد ولكن ليس لدي مانع من ان يكون كلام غيري متقن وفي حدود المنطق والمعقول وقابل للتصديق !
عندما قلت اننا في مكان عام وكلامنا محاسبون عليه .. قصدت يا صديقي اننا قد ندخل في باب الجدل فمن الافضل ان يكون كلامنا واضح ولدينا الدليل على ما نقول .

شكرا على موضوعك واتقبل نقدك بصدر رحب
والاختلاف في الرأي لا يفسد للود قضيه
تحياتي
الرجوع الى أعلى الصفحة اذهب الى الأسفل
belal abu jehiesheh



عدد الرسائل : 893
تاريخ الميلاد : 01/11/1986
العمر : 30
البلد / الدولة : فلسطين
تاريخ التسجيل : 20/11/2009

مُساهمةموضوع: رد: الانتخابات   25/4/2010, 11:04 pm

يا جماعه الخير من الافضل والمحبذ ان لانحكي بقصه الانتخابات بالمره لان هذه الامور سوف نرى عواقبها وبخاصه نحن نعيس في دوله ...................؟؟
لا استطيع ان علق على هذا الكلام اكثير بس الله يوفقك كل الاحزاب الفلسطينيه التي تدعو الى مصلحه هذه الدةله ويفق فتح وحماس وكل الفصائل واتمكنى من الله ان يكونان يد واحده للعطاء من اجل هذا الشعب الذي فقد كل شئ وفقد حريته ومطالبه الاساسيه
مشكورين احبابي على موضوك العطر وتقبلو مروري
الرجوع الى أعلى الصفحة اذهب الى الأسفل
Mayer



عدد الرسائل : 1018
تاريخ الميلاد : 15/09/1981
العمر : 35
البلد / الدولة : بعيـــــــد جداً
تاريخ التسجيل : 25/07/2009

مُساهمةموضوع: رد: الانتخابات   26/4/2010, 10:00 pm

شكراً سيد رائد وصلت الفكرة! وما في شي عادي نحنا بنتناقش!

_________________
فيش توقيع شطبنا يالله توكل بدنا نرش
الرجوع الى أعلى الصفحة اذهب الى الأسفل
 
الانتخابات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بلدة اذنا :: الفئة الأولى :: مواضيع للنقاش-
انتقل الى: