منتدى بلدة اذنا

منتدى بلدة اذنا

منتدى بلدة اذنا
 
الرئيسيةاليوميةالبوابةس .و .جبحـثالتسجيلدخول

شاطر | 
 

 الامثال الشعبية

اذهب الى الأسفل 
كاتب الموضوعرسالة
غزة



عدد الرسائل : 438
تاريخ الميلاد : 15/07/1990
العمر : 27
البلد / الدولة : usa
تاريخ التسجيل : 05/12/2009

مُساهمةموضوع: الامثال الشعبية   14/12/2009, 10:25 am

الأمـــثال الشعــــبية




.أصغر منك وطبك وأصبر عحكم ربك -
.الجمل لو يطلع عحردبتو انكسرت ووقعت رقبتو -
. يا مأمن عرجال متل المي بالغربال -
. عند ما حبلت وزنكرت وصلت للباب ودقرت -
. عصفور بالايد ولا عشرة عالشجرة -
. عقد فراشك مد رجليك -
. مكتوب عباب الصراي يا حيف طلاب بالشتا وزعران بالصيف -
. من برى هللا هللا ومن جوا يعلم الله -
. الي بيعرف بيعرف واللي ما بعرف بقول كف عدس -
. الله بيعطي الحلاة للي مالو أضراس -
. عيش كتير بتشوف كتير -
. خبي قرشك الأبيض ليومك الأسود -
. بتحاكي قاضي معزول -
. يا واخد القرد عمالو بيروح المال وبيبقى القرد عحالو -
. العيد الصغير قبل الكبير -
. الجمل عرج من شفتو -
. اللي بريد هالكحلي يذنبها -
. اللي بيعجبوا يتكحل واللي ما بيعجبوا يترحل -
. ما بحك لحمك الا ظفرك -
. الدم عمره ما بصير مي -
. اللي مالو حظ لا يتعب ولا يشقى -
. كل واحد حظو عند شاربو -
. عيش يا قديش تا ينبت الحشيش -
. طلع من العميان عروس -
. بكرى بيدوب التلج وببين المرج -
. التكرار بعلم الشطار -
. اجا ليكحلا عماها -
. انا واخوي عبن عمي وانا وابن عمي عالغريب -
. طب الجرة عتما البنت بتطلع لأما -
. القرد بعين امو غزال -
. ما بتعرف قيمتي تتجرب غيري -
. اجا الاصلع تيونسنا كشف عن قرعتو وخوفنا -
. كل ديك عمزبلتو صياح -

.ابنك حسب ما تربيه، وجوزك حسب ما تعوديه -
.من قلة الرجال سمو الديك ابو علي -
.الصبر مفتاح الفرج -
.لو بدها تشتي غيمت -
.على قد بساطك مد رجليك -
.يوم عسل ويوم بصل -
.كثير الحركة، قليل البر ة -.
.الشمس طالعة، والناس قاشعة -
.اعمل منيح وكب في البحر -
.ما بتعرف خيري لتجرب غيري -.
.هين فلوسك ولا تهين نفوسك -
.من كثرة الطباخين، بتشيط الطبخة -
.ايد لحالها ما بتزقف -
.كرمال الورد، بيشرب العليق -
.ان بدك تحب حب أمير، وان عيروك يستاهل التعيير -.
.لبس العود، بجو -
.المال بجر المال، والقمل بجر السيبان -
.عيش كثير، بتشوف كثير -.
الغربة، تربة -
.ناس بتنام على حصير ، وناس بتنام على حرير -
.اعتب على حبيبك، وما تعتب على صديقك -
.هم البنات للممات -
.كانت بجرة، وطلعت لبرا -.
.ضريني وبكى، وسبقني واشتكى -
.دود الخل منه وفيه -
.على عينه قشة وبقول شيل القشة عن عينك -
.لما شاب، ودوه الكتاب -
.عفنه واجتها ضيوف على غفلة-
.البيت بيت أبونا ، والغرب عم يطردونا -
.بوس الكلب من ثمو، لتاخذ حاجتك منو -
.ان كنتم اخوة تقاسموا -
.قالوا للحرامي احلف ، قال اجا الفرج -
.الاسكافي حافي، والحايك عريان -
.شعرة على شعرة بتساوي لحية -.
.الطويل بياكل تين والقصير بموت حزين -
.على حظ المسكينة، سكرت المدين -
.شغل الليل بعين مع النهار -
.اللي ما الو كبير ما الو تدبير -.
.شحاد ومشارط وبدو رغيف كبير -.
.اللي بتجوز امي، بقلوا يا عمي -
.بشرب من البير وبرمي فيه حجار -
.اللي براسو موال يغنيه. -
.الها ثم ياكل، ما الها ثم يحكي -
.دور على الام قبل ما تلم -
.كل تأخيره وفيها خيره -
.المكتوب بينعرف من العنوان -
.زلمة بالبيت ولا شهادة على الحي -
.عيش يا كديش لينبت الحشيش -
.انا ما أخذوني على حمار خدودي، انا اخذوني على صيت جدودي-
.اليد الي ما بتقدر عليها ، بوسها وادعي عليها بالكسر -
.الرجل رحمة ولو كان فحمة -
.كلمة جبان مئة مرة، ولا كلمة الله يرحمه -.
.عمل الخير ما بدو مشاوره -
.كل جديد والو بهجة ، وكل قديم والو رهجة -
.بيت رجال ولا بيت مال -
.اللي امنك، ما تخونو ، ولو كنت خوان -
.بدك تطعمي طعمي وأشبع، وبدك تضرب أضرب وأوجع -
.الملسوع بخاف من جر الحبل -.
.الصديق وقت الضيق -
.الجار جار ولو رجمك بالحجار -.
.حب حبيبك ولو كان عبد اسود -
.يا ما تحت السواهي دواهي -
.الشهر يلي ما الك فيه ، ما تعد ايامه -
.الشمس طالعة والناس قاشعة -
.المي بتكذب الغطاس -
.كل مشكلة ، والها حلال -.
.ثلثين الولد للخال -
.في أيار خذ منجلك وغار -
.منخل بالحارة ، ولا عازتك يا جارة -
.خذوا البنات من صدور العمات -
.اما بشرب من راس النبع، او ببقى عطشان -
.غسل وجهك، ما بتعرف مين ببوسك، ونظف بيتك، ما بتعرف مين ببوسك -
.تغدى وتمدى، وتعشى وتمشى -
.اللي بيطلع من داره، بتقل مقداره -
.ناس بتاكل جاج، وناس بتوقع بالسياج -
.المنحوس منحوس، ولو حط على راسو فانوس -
.ام سبعة دبرت ، وام واحدة تلبكت -
.كل فوله والها كيال -
.خليها بالقلب تجرح، ولا تطلع برا وتسرح -
.ازرع، بتلاقي -

_________________
اخي الكريم...اختي الفاضلة.
لا تنسى ان عبارة "ان شاء الله" تكتب هكذا
ان شاء الله
الرجوع الى أعلى الصفحة اذهب الى الأسفل
عنكبوت المرمى

avatar

عدد الرسائل : 235
تاريخ الميلاد : 15/08/1985
العمر : 32
البلد / الدولة : اذنا / فلسطين
تاريخ التسجيل : 09/12/2009

مُساهمةموضوع: رد: الامثال الشعبية   14/12/2009, 11:40 am

. كل واحد حظو عند شاربو هههههههه وانا بقوووووول ليش حظي ضااايع
اتاريني طلعت حالق شاربي ....... ههههه
مشكوووووره اخت غزه

_________________
!! اكثر الناس حقاره هو الذي يعطيك ظهره وانت في امس الحاجة الى قبضة يده
الرجوع الى أعلى الصفحة اذهب الى الأسفل
غزة



عدد الرسائل : 438
تاريخ الميلاد : 15/07/1990
العمر : 27
البلد / الدولة : usa
تاريخ التسجيل : 05/12/2009

مُساهمةموضوع: رد: الامثال الشعبية   14/12/2009, 12:10 pm

عجل ربيي قبل ما تروح عليك ههههههههههههه
اهلا بك اخي نورت...

_________________
اخي الكريم...اختي الفاضلة.
لا تنسى ان عبارة "ان شاء الله" تكتب هكذا
ان شاء الله
الرجوع الى أعلى الصفحة اذهب الى الأسفل
 
الامثال الشعبية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بلدة اذنا :: الفئة الأولى :: فلسطينيات-
انتقل الى: